[English Below] តាមរយៈកម្មវិធីសន្តិសុខស្បៀង និងការប្រកបរបរចិញ្ចឹមជីវិតរបស់អង្គការ អេហ្វ អេក ខ្ញុំទទួលបាននូវការបំពាក់បំប៉នអំពីបច្ចេកទេស និងការអនុវត្តកសិកម្មសំខាន់ៗ ដែលជួយបង្កើនសុខុមាលភាពដល់គ្រួសាររបស់ខ្ញុំ។ ការបង្កើនផលិតភាពក្នុងការដាំបន្លែ និងចិញ្ចឹមសត្វបានជួយឱ្យខ្ញុំរកកម្រៃបានច្រើនជាងមុន និងធ្វើឱ្យជីវិតរស់នៅកាន់តែប្រសើរ។ ចំណងគ្រួសារកាន់តែរឹងមាំ ជាហេតុជួយឱ្យខ្ញុំអាចពង្រីកអាជីវកម្មរបស់ខ្ញុំ និងអាចចែករំលែកបន្តទៅអ្នកជិតខាង ដើម្បីកសាងសហគមន៍ឱ្យកាន់តែប្រសើរឡើង។ គោលដៅចុងក្រោយរបស់ខ្ញុំ គឺចង់ឃើញគ្រប់ក្រុមគ្រួសារក្នុងភូមិរបស់ខ្ញុំមានការរីកចម្រើន ហើយខ្ញុំប្តេជ្ញាធ្វើវាឱ្យបានសម្រេច។ តើមានអ្វីបន្ថែមពីលើនេះ? – លោកស្រី ស៊ន ម៉េត ដែលដើរតួជាគំរូក្នុងសហគមន៍របស់គាត់ ដោយផ្លាស់ប្តូរពីការនេសាទត្រី មកដាំបន្លែ និងចិញ្ចឹមសត្វ។ ដោយមើលឃើញពីហានិភ័យនៃការនេសាទត្រី និងកង្វះចំណេះដឹងកសិកម្មនៅក្នុងសហគមន៍ គាត់ក៏បានសម្រេចចិត្តមកធ្វើជាកសិករគំរូជាមួយអង្គការ អេហ្វ អេក ក្នុងការចូលរួមផ្សព្វផ្សាយមេរៀនកសិកម្មផ្សេងៗដល់សហគមន៍ និងចែករំលែកចំណេះដឹង និងបច្ចេកទេសរបស់គាត់ក្នុងការដាំបន្លែ និងការចិញ្ចឹមសត្វ ដើម្បីជំរុញដល់ការអភិវឌ្ឍកសិកម្ម។ គាត់ក៏ចង់បង្ហាញគំរូដល់ស្ត្រីដទៃទៀត ដើម្បីបំផុសឱ្យស្ត្រីមានភាពអង់អាចក្លាហានខាងផ្នែកដឹកនាំ ក្នុងការចូលរួមអភិវឌ្ឍសហគមន៍ ដោយសារគាត់មើលឃើញពីការទទួលស្គាល់ស្ត្រីក្នុងជួរដឹកនាំនៅមានកម្រិត។ ហើយគាត់ក៏បានប្តេជ្ញាចិត្ត ដើម្បីនាំយកផលវិជ្ជមានដល់សហគមន៍របស់គាត់។ សូមស្តាប់សារចែករំលែកបន្ថែមពីលោកស្រី ស៊ន ម៉េត ក្នុងតំណរភ្ជាប់នេះ៖ Mrs. Sorn Met Sharing Her Life Impact Through […]
