[English Below] អ្នកស្រី វឹង ណាង អាយុ ៣៣ឆ្នាំ ជាអ្នកស្មគ្រ័ចិត្តក្រុមនៃក្តីសង្ឃឹមរបស់អង្គការ អេហ្វ អេក កម្ពុជា នៅភូមិអូរមានជ័យ។ គាត់មានកូនពីរនាក់ (កូនប្រុសមួយ និងកូនស្រីមួយ)។ គាត់មានប្រសាសន៍ថា “កាលមិនទាន់បានចូលរួមជាមួយគម្រោងរបស់អង្គកា​រ អេហ្វ អេក ខ្ញុំធ្លាប់រស់នៅដោយកង្វះអនាម័យ (អនាម័យខ្លួនប្រាណ និងអនាម័យបរិស្ថាន)។ ពួកយើងអនុវត្តអនាម័យមិនបានល្អ ដោយមិនបាន លាងសម្អាតដៃ ​ក្រោយពេលប្រើប្រាស់បង្គន់រួច និ​ងមុនពេលចាប់កាន់ចំណីអាហារ​ ព្រមទាំងមិនមានទឹកស្អាត និងសុវត្ថិភាពសម្រាប់ផឹក។ ដូច្នេះហើយ កូនប្រុសរបស់ខ្ញុំបានកើតជម្ងឺគ្រុនពោះវៀនធ្ងន់ធ្ងរ ដែលបណ្តាលឱ្យគាត់មានបញ្ហាកង្វះអាហារូបត្ថម្ភ។ គាត់បានបន្ថែមទៀតថា កុមារប្រឈមនឹងកើតជម្ងឺគ្រុនពោះវៀនជាងមនុស្សពេញវ័យ។ ហើយកង្វះចំណេះដឹង បញ្ហាអាហារូបត្ថម្ភសម្រាប់កុមារក៏បណ្តាលឱ្យកុមារលូតលាស់មិនបានល្អ។ បច្ចុប្បន្ននេះគ្រួសាររបស់ខ្ញុំមានការយល់ដឹងអំពីអនាម័យ ហូបទឹកមានសុវត្ថិភាព​ ស្វែងយល់ពីអត្ថប្រយោជន៍នៃអាហារូបត្ថម្ភ ការថែទាំមុន និងក្រោយពេលសម្រាល និងការថែទាំជម្ងឺកុមារ ជាដើម។ ដូច្នេះកូនៗរបស់ខ្ញុំមានសុខភាពល្អ​ លូតលាស់បានល្អ ចំណេញទាំងសុខភាព និងថវិកា។ ហើយខ្ញុំក៏បានចែករំលែកចំណេះដឹងបន្តទៅអ្នកជិតខាងក្នុងសហគមន៍របស់ខ្ញុំ ដើម្បីលើកកម្ពស់បញ្ហាសុខភាព។” Mrs. Ving Nang, 33 years old, […]

«សូម​ព្រះ‌អម្ចាស់​ប្រទាន​ពរ និង​ថែ‌រក្សា​អ្នក។ សូម​ព្រះ‌អម្ចាស់​ទត​មក​អ្នក ដោយ​ព្រះ‌ហឫទ័យ​មេត្តា​ករុណា សូម​ព្រះអង្គ​ប្រណី​សន្ដោស​អ្នក។ សូម​ព្រះ‌អម្ចាស់​សម្តែង​ព្រះ‌ហឫទ័យ​សប្បុរសចំពោះ​អ្នក និង​ប្រទាន​ឲ្យ​អ្នកបាន​ប្រកប​ដោយ​សេចក្ដី​សុខ‌សាន្ត»។ — ជនគណនា ៦:២៤-២៦ #GodProtection #Grace #Peace #FHCambodia

[English Below] រឿងផ្លាស់ប្រែរបស់អ្នកស្រី ឈត់ សង្អៀក ដែលមានតួនាទីជាគណៈកម្មាធិការទទួលបន្ទុកកិច្ចការនារី និងកុមារឃុំ (គ.ក.ន.ក) នៅឃុំចុងកាល់ កម្មវិធី អង្គការ អេហ្វ អេក កម្ពុជាបានបំពាក់បំប៉នខ្ញុំឱ្យមានជំនាញសំខាន់ៗដូចជា ភាពជាអ្នកដឹកនាំសហគមន៍ ការបង្កើតផែនការ និងការសម្របសម្រួល ការផ្សព្វផ្សាយលើកកម្ពស់ការយល់ដឹងដល់សហគមន៍ ដែលធ្វើឱ្យខ្ញុំអាចគាំទ្រ និងសហការជាមួយអាជ្ញាធរ មូលដ្ឋានក្នុងការផ្តល់ស្បៀងអាហារដល់គ្រួសារងាយរងគ្រោះ និងធ្វើផែនទីគ្រួសារដែលមានកូន ដើម្បីចុះឈ្មោះជាកុមារដៃគូ។ លើសពីនេះ ខ្ញុំបានសហការជាមួយមន្ត្រីនគរបាលមូលដ្ឋាន ដើម្បីដោះស្រាយ បញ្ហាការរំលោភបំពានលើកុមារ និងបានបន្តផ្សព្វផ្សាយលើកកម្ពស់ការយល់ដឹង ដល់សហគមន៍ស្តីពីការធ្វើចំណាកស្រុកដោយសុវត្ថិភាព អំពើហិង្សាក្នុងគ្រួសារ និងលើកកម្ពស់សេចក្តីថ្លៃថ្នូរយេនឌ័រនៅក្នុងឃុំចុងកាល់ដោយមានការគាំទ្រពី អង្គការ អេហ្វ អេក កម្ពុជា។ ការចូលរួមរបស់ខ្ញុំនៅក្នុងកម្មវិធី អង្គការ អេហ្វ អេក កម្ពុជា បានរួមចំណែកធ្វើឱ្យសមត្ថភាពរបស់នាងខ្ញុំ រីកចម្រើនយ៉ាងខ្លាំង ដោយខ្ញុំមានទំនុកចិត្ត និងមានជំនាញប្រាស្រ័យទាក់ទងកាន់តែមានប្រសិទ្ធភាពជាមួយអ្នកដទៃ ដែលធ្វើឱ្យខ្ញុំមានអារម្មណ៍ថាត្រូវបានផ្តល់អំណាចក្នុងការដោះស្រាយបញ្ហាសហគមន៍ ក្នុងអំឡុងពេលកិច្ចប្រជុំក្រុមប្រឹក្សាឃុំប្រចាំខែ ដែលមានការជំរុញដោយ គោលបំណងច្បាស់លាស់ និងការភ្ជាប់ទំនាក់ទំនងកាន់តែខ្លាំងឡើង នៅក្នុងសហគមន៍របស់ខ្ញុំ។ វគ្គបណ្ដុះបណ្ដាលបានជួយខ្ញុំ និងមេភូមិរបស់ខ្ញុំ អនុវត្តនូវគណនេយ្យភាព ដោះស្រាយបញ្ហាហិង្សាក្នុងគ្រួសារ និងលើកកម្ពស់សិទ្ធិកុមារ […]

ជូនចំពោះមាតាដ៏អស្ចារ្យគ្រប់រូប! សូមយើងបានបង្ហាញពីការដឹងគុណចំពោះការលះបង់របស់ម្តាយ ដែលជារឿយៗធ្វើដោយស្ងៀមស្ងាត់ ដូចជាការចិញ្ចឹមបីបាច់ថែរក្សា ការបណ្តុះបណ្តាលផ្នែកសីលធម៌ និងការគាំទ្រផ្លូវចិត្ត។   ដូច្នេះហើយ … អ្នកម្តាយត្រូវបានចាត់ទុកជាសសរទ្រូងនៃគ្រួសារ ដែលមិនត្រឹមតែផ្តល់កំណើតប៉ុណ្ណោះទេ ថែមទាំងជាអ្នកណែនាំ អ្នកថែរក្សា និងជាប្រភពនៃកម្លាំងចិត្តដល់កូនផងដែរ។   #HappyMotherDay2025 #FHCambodia

«កុំខ្វល់ខ្វាយអំពីហេតុ‌ការណ៍ដែលនឹងកើតមាននៅថ្ងៃស្អែកឡើយ ចាំស្អែកសឹមគិតពីរឿងថ្ងៃស្អែកទៅ! បើមានការលំបាកកើតឡើងនៅថ្ងៃណា ត្រូវដោះស្រាយសម្រាប់តែថ្ងៃនោះហើយ»។ — ម៉ាថាយ ៦:៣៤

🌞 អរុណសួស្តីព្រឹកថ្ងៃចន្ទពីក្រុមគ្រួសាររបស់លោកពូ ទិត្យ​ ចន​ ! #MondayMotivation #StartwithSmile #FHCambodia

បបរត្រូវផ្សំចេញពីអាហារបីក្រុម (បបរខាប់គ្រប់គ្រឿង)។  រាល់ពេលចម្អិនបបរខាប់គ្រប់គ្រឿង យើងអាចប្រើ៖ – សាច់តែមួយមុខ ដូចជាសាច់ត្រី ឬត្រីល្អិត ឬសាច់ជ្រូក ឬគោ ឬស៊ុត ឬសាច់មាន់។ – បន្លែពណ៌បៃតងចាស់ ដូចជាផ្ទី ឬត្រកួន ឬស្លឹកបាស់ ឬស្ពៃ ។ល។ – បន្លែពណ៌លឿងទុំ ដូចជាផ្លែល្ពៅ ឬដំឡូងជ្វាពណ៌លឿង ឬការ៉ុត ។ល។ – ត្រូវដាក់ប្រេងឆា ឬខ្លាញ់បន្តិចចូលក្នុងបបរ – មិនត្រូវដាក់អំបិល ឬទឹកត្រី ឬម៉្សៅស៊ុប ឬទឹកស៊ីអីវនោះទេ។ – ត្រូវលាងដៃរបស់អ្នកឱ្យបានស្អាតជាមួយសាប៊ូ និងទឹកឱ្យបានស្អាត នៅមុនពេលចម្អិនអាហារ និងមុនពេលបញ្ចុកអាហារ។ – ត្រូវមានចានស្លាបព្រាសម្រាប់កូនម្នាក់ៗ ដាច់ដោយឡែកពីគ្នា។ – ត្រូវបញ្ចុកទៅតាមអាយុ និងបរិមាណដែលជាអនុសាសាន៍។ – ត្រូវដាក់កូននៅលើភ្លៅរបស់អ្នក ដើម្បីបញ្ចុកឱ្យសកម្ម (ត្រូវសម្លឹងចំភ្នែកកូនអ្នក លួងលោមលើកទឹកចិត្តកូនអ្នក និងចំណាយពេល ដើម្បីបញ្ចុកដោយអត់ធ្មត់ និងរហូតទាល់តែអស់បបរពីចាន) #HealthTips #NutritiousPorridge #12to24Months #FlourishingCommunities #FHCambodia

[English Below] “ការអប់រំជាមាគាឆ្ពោះទៅកាន់អនាគតដ៏ភ្លឺស្វាង និងត្រចះត្រចង់។ យើងខ្ញុំសូមអំពាវនាវដល់ឪពុកម្តាយគ្រប់រូបឱ្យផ្តល់អាទិភាពដល់ការសិក្សារបស់កូនៗ ជាជាងការធ្វើចំណាកស្រុក ដែលធ្វើអោយកុមារមិនមានឱកាសចូលរៀន។ សូមរួបរួមគ្នាកសាងសហគមន៍មួយ ដែលកុមារគ្រប់រូបទទួលបាននូវក្តីស្រឡាញ់  ការការពារ និងផ្តល់ឱកាសរីកលូតលាស់ពេញលេញ!” – យោងតាមសម្រង់សម្តីរបស់ប្អូនស្រី បញ្ញា ដែលជាកុមារទំនុកបម្រុងជាមួយអង្គការ អេហ្វ អេក។ ទស្សនវិស័យដ៏មានឥទ្ធិពលនេះជំរុញមកនូវក្តីសង្ឃឹម និងការចាត់ចេញជាសកម្មភាព ដើម្បីអនាគតកាន់តែរឹងមាំ និងរីកចម្រើន។ 🌍✨ “Education paves the way for a brighter future. I call on parents to prioritize their children’s learning over migrating for work. Let’s build a vibrant community where every child is protected, cherished, and […]