[English Below] ទឹកដៃគំនូរដ៏ស្រស់ស្អាត ដែលឆ្លុះបញ្ចាំងពីមោទនភាព និងឆ្ពោះទៅកាន់អនាគតភ្លឺថ្លា! 🇰🇭 កុមារទំនុកបម្រុងរបស់យើងមិនត្រឹមតែរៀនអំពីការស្រឡាញ់ទង់ជាតិខ្មែរប៉ុណ្ណោះទេ ប៉ុន្តែថែមទាំងកំពុងអភិវឌ្ឍជំនាញឌីជីថល តាមរយៈការប្រើប្រាស់ថេប្លេតផងដែរ។ ការរៀនសូត្រទាំងនេះកំពុងជួយឱ្យគាត់កាន់តែមានទំនុកចិត្ត មានភាពច្នៃប្រឌិត និងត្រៀមខ្លួនសម្រាប់អនាគត។ ✨📱 Proud little hands, bright digital future! 🇰🇭 Our sponsored child learning to love his flag while developing digital skills through mastering tablets—equipping him with the confidence, and creativity to thrive in tomorrow’s world. ✨📱 #DigitalLiteracy #TechForGood #EducationForAll #FutureReady #CreativityAndConfidence #TabletsForLearning #ChildSponsorship #FHCambodia

[English Below] រឿងរ៉ាវជីវិតរបស់កុមារដៃគូ៖ ការរីកចម្រើនក្លាយជាអ្នកដឹកនាំវ័យក្មេង ខ្ញុំបានចូលរួមជាកុមារដៃគូជាមួយអង្គការ អេហ្វ អេក កម្ពុជា នៅឆ្នាំ២០២០ នៅពេលដែលអង្គការចាប់ផ្តើមអនុវត្តគម្រោងអភិវឌ្ឍន៍ក្នុងភូមិរបស់ខ្ញុំ។ កាលនោះ ខ្ញុំជាក្មេងស្រីម្នាក់ដែលមានភាពអៀនខ្មាស់ មិនសូវមានទំនុកចិត្តលើខ្លួនឯង និងកម្រចូលរួមក្នុងសកម្មភាពសហគមន៍។ ខ្ញុំក៏មិនសូវគិតអំពីអនាគតរបស់ខ្លួន និងមានចំណេះដឹងតិចតួចអំពីអនាម័យ និងការដឹកនាំផងដែរ។ ប៉ុន្តែតាមរយៈការចូលរួមក្នុងសកម្មភាពនានារបស់អង្គការ អេហ្វ អេក កម្ពុជា ខ្ញុំបានសម្រេចចិត្តផ្លាស់ប្តូរខ្លួនឯង។ ខ្ញុំបានចូលរួមយ៉ាងសកម្មក្នុងក្លឹបកុមារ ខិតខំរៀនសូត្រកាន់តែខ្លាំង បង្កើនទំនុកចិត្តលើខ្លួនឯង និងរៀនពីរបៀបចូលរួមចំណែកក្នុងការអភិវឌ្ឍសហគមន៍។ ដោយសារការខិតខំ និងការប្តេជ្ញាចិត្តរបស់ខ្ញុំ ខ្ញុំត្រូវបានជ្រើសរើសជាគ្រូស្ម័គ្រចិត្ត និងតំណាងយុវជន ដើម្បីជួយគាំទ្រ និងចែករំលែកចំណេះដឹងដល់កុមារដទៃទៀត។ សព្វថ្ងៃនេះ ខ្ញុំមានតួនាទីបង្រៀននៅក្លឹបកុមារ ចូលរួមសកម្មភាពសហគមន៍ លើកកម្ពស់អនាម័យ បរិស្ថានស្អាត និងលើកទឹកចិត្តកុមារដទៃទៀតឱ្យចូលរួមរៀនសូត្រ។ ខ្ញុំលែងខ្លាចក្នុងការសួរសំណួរ បញ្ចេញមតិ ឬទទួលខុសត្រូវថ្មីៗទៀតហើយ។ បទពិសោធន៍ទាំងនេះបានជួយឱ្យខ្ញុំក្លាយជាយុវតីម្នាក់ដែលមានទំនុកចិត្ត មានទំនួលខុសត្រូវ និងមានសមត្ថភាពក្នុងការដឹកនាំ។ សម្រាប់អនាគត ខ្ញុំមានបំណងបន្តការសិក្សាផ្នែកនីតិសាស្ត្រ និងសម្រេចក្តីស្រមៃក្លាយជាមន្ត្រីនគរបាល ដើម្បីការពារ និងបម្រើសហគមន៍របស់ខ្ញុំ។ ខ្ញុំក៏ចង់ឃើញសហគមន៍របស់ខ្ញុំកាន់តែស្អាត មានសុខភាពល្អ និងរីកចម្រើនជាងមុន ដោយកុមារ និងយុវជនគ្រប់រូបមានឱកាសរៀនសូត្រ និងសម្រេចក្តីស្រមៃរបស់ពួកគេ។ អង្គការ […]

[English Below] អង្គការ អេហ្វ អេក កម្ពុជា សហការជាមួយក្រសួងមហាផ្ទៃ និងនាយកដ្ឋានអប់រំកុមារតូច នៃក្រសួងអប់រំ យុវជន និងកីឡា បានរៀបចំវគ្គបណ្តុះបណ្តាលរយៈពេល ៥ថ្ងៃ ស្តីពី «អ្នកសម្របសម្រួលកម្មវិធីការចាប់ផ្តើមដ៏ឆ្លាតវៃ» នៅក្នុងកម្មវិធីតំបន់ស្រុកចុងកាល់ ខេត្តឧត្ដរមានជ័យ។ វគ្គបណ្តុះបណ្តាលនេះមានការចូលរួមពីអ្នកស្ម័គ្រចិត្តសម្របសម្រួលសហគមន៍ គ.ក.ន.ក. មេឃុំ មន្ត្រីរដ្ឋបាលស្រុក និងតំណាងការិយាល័យអប់រំ យុវជន និងកីឡាស្រុកចុងកាល់ ដើម្បីពង្រឹងចំណេះដឹង និងជំនាញសម្របសម្រួលអំពី ការចិញ្ចឹមបីបាច់កុមារតូច ការថែទាំប្រកបដោយការឆ្លើយតប ការអភិវឌ្ឍកុមារតូច ការរៀនតាមរយៈការលេង និងការគាំទ្រគ្រួសារក្នុងការអភិវឌ្ឍកុមារអាយុ ០-៥ ឆ្នាំ។ តាមរយៈការរៀនអនុវត្តជាក់ស្តែង ការពិភាក្សាជាក្រុម និងសកម្មភាពបង្កើតសម្ភារៈលេង អ្នកចូលរួមបានរៀនពីរបៀបសម្របសម្រួលមេរៀនទាំង ៥ នៃកម្មវិធីការចាប់ផ្តើមដ៏ឆ្លាតវៃ ជាមួយក្រុមអ្នកថែទាំកុមារនៅតាមសហគមន៍របស់ខ្លួន។ ការងារនេះនឹងជួយឱ្យអ្នកថែទាំកុមារមានសមត្ថភាពកាន់តែប្រសើរក្នុងការគាំទ្រកុមារលើផ្នែកសុខភាព អាហារូបត្ថម្ភ សន្តិសុខ និងសុវត្ថិភាព ឱកាសរៀនទាន់ពេល និងការអភិវឌ្ឍវិជ្ជមាននៅផ្ទះ។ FH Cambodia, in collaboration with the Ministry of Interior […]

[English Below] អង្គការ អេហ្វ អេក កម្ពុជា បានសហការជាមួយការិយាល័យអប់រំ យុវជន និងកីឡាស្រុកចុងកាល់ និង ធនធានសិក្សា (TTS) រៀបចំវគ្គបណ្តុះបណ្តាលរយៈពេល ៣ថ្ងៃ ស្តីពីការប្រើប្រាស់កញ្ចប់សម្ភារៈពង្រឹងអំណាន និងគណិតវិទ្យាថ្នាក់ដំបូង ដល់គ្រូបង្រៀនថ្នាក់ដំបូង បណ្ណារក្ស នាយកសាលា និងមន្ត្រីការិយាល័យអប់រំ សរុបចំនួន ៨២ (ស្រី៣៥) នាក់ មកពីសាលាបឋមសិក្សាគោលដៅចំនួន ២១សាលា ក្នុងស្រុកចុងកាល់។ ក្នុងវគ្គបណ្តុះបណ្តាលនេះ សិក្ខាកាមបានស្វែងយល់ និងហ្វឹកហាត់អនុវត្តលើការប្រើប្រាស់សម្ភារៈបង្រៀន និងរៀន ល្បែងសិក្សា និងសកម្មភាពអំណាន និងគណិតវិទ្យា ដើម្បីជួយឱ្យការបង្រៀននៅថ្នាក់ដំបូងកាន់តែមានប្រសិទ្ធភាព សកម្ម និងទាក់ទាញសិស្សឱ្យចូលរួមរៀន។ វគ្គនេះក៏បានផ្តោតលើការប្រើប្រាស់សម្ភារៈទាំងនេះនៅក្នុងថ្នាក់រៀន ក្រៅថ្នាក់ និងបណ្ណាល័យ ការថែរក្សាសម្ភារៈ និងការគាំទ្រសិស្សដែលត្រូវការជំនួយបន្ថែមក្នុងការរៀនអាន និងគណិតវិទ្យា។ ក្នុងឱកាសនេះ អេហ្វ អេក កម្ពុជា ក៏បានប្រគល់កញ្ចប់សម្ភារៈពង្រឹងអំណាន និងគណិតវិទ្យាថ្នាក់ដំបូង ចំនួន ៦៦ហឹប ដល់សាលាបឋមសិក្សាគោលដៅទាំង ២១សាលា ដើម្បីគាំទ្រដល់ការអនុវត្តជាក់ស្តែងរបស់គ្រូបង្រៀន និងជួយពង្រឹងលទ្ធផលសិក្សារបស់សិស្ស។ […]

When we place our trust in God, we are strengthened from within—just like a tree rooted by living water. 🌳 Even in difficult seasons, we remain steady, fruitful, and full of life. ✨ Trust in Him brings resilience. ✨ Trust in Him brings growth. ✨ Trust in Him keeps us flourishing through every circumstance. #HappyFriday […]

💬 កុមារ​គ្រប់រូប​មានសិទ្ធិ​ក្នុងការត្រូវបានស្តាប់ ហើយ​សំឡេង​នីមួយៗ​មានតម្លៃក្នុងការចូលរួមអភិវឌ្ឍសង្គម។ តាមរយៈ​វេទិកាកុមារ កុមារ​ត្រូវបាន​បង្កើតឱកាសឱ្យចូលរួមយ៉ាងសកម្ម ក្នុង​បរិយាកាស​សុវត្ថិភាព និងគាំទ្រ ដើម្បីចែករំលែកគំនិត បង្ហាញអារម្មណ៍ និងលើកឡើងបញ្ហាដែលប៉ះពាល់ដល់ជីវិត និងសហគមន៍របស់ពួកគេ។ ដំណើរការនេះ​ជួយបង្កើន​សមត្ថភាពស្នូល ដូចជាភាពជាអ្នកដឹកនាំ ជំនាញទំនាក់ទំនង ការងារជាក្រុម និងការដោះស្រាយបញ្ហា ដែលសំខាន់សម្រាប់ការរស់នៅ និងការអភិវឌ្ឍ​ប្រកបដោយចីរភាព។ 📍 កម្មវិធីតំបន់សំរោង បានអនុវត្ត​វេទិកាកុមារ​នៅ​សាលាបឋមសិក្សា សំរោង និងក្រសាំង ដោយឈានដល់កុមារ​សរុប ១,៤៦០ នាក់។ តាមរយៈសកម្មភាពនេះ កុមារ​បានចូលរួមក្នុងការចែករំលែកបទពិសោធន៍ និងទស្សនៈរបស់ពួកគេ ដោយបង្ហាញពីអំណាច និងតម្លៃនៃសំឡេងរបស់ខ្លួន។ 👏 គ្រូបង្រៀន និងអ្នកអាណាព្យាបាល បានទទួលស្គាល់សារៈសំខាន់នៃការចូលរួមរបស់កុមារ និងលើកទឹកចិត្តឱ្យមានការបន្ត និងពង្រីកវិសាលភាពសកម្មភាពនេះទៅកាន់សាលារៀនផ្សេងៗ។ កុមារ​បានសហការគ្នា​ក្នុងការវិភាគបញ្ហា ផ្លាស់ប្តូរយោបល់ និងកំណត់ដំណោះស្រាយ ដើម្បីកែលម្អបរិស្ថានសាលារៀន និងសហគមន៍របស់ពួកគេ។ ការចូលរួមរបស់ពួកគេ​មានតួនាទីសំខាន់​ក្នុងការកសាងសហគមន៍​ដែលរឹងមាំ មានភាពរួមបញ្ចូល និងមានភាពធន់នឹងការប្រែប្រួល។ 💚 នៅពេលកុមារត្រូវបានស្តាប់ និងផ្តល់អំណាចក្នុងការចូលរួម សមត្ថភាព និងទំនុកចិត្តរបស់ពួកគេកើនឡើង ជួយឱ្យពួកគេ​ក្លាយជា​ភ្នាក់ងារនៃការផ្លាស់ប្តូរវិជ្ជមាន​នៅក្នុងសហគមន៍របស់ខ្លួន។ 💬 Every child deserves […]

[English Below] កុមារភាពដែលពោរពេញដោយការលំបាក ➝ អនាគតដែលពោរពេញដោយសេចក្ដីសង្ឃឹម 🌱 ពីការលំបាក ទៅរកពន្លឺនៃជីវិត៖ រឿងរ៉ាវបំផ្លាស់បំប្រែចិត្តរបស់កុមារទំនុកបម្រុងម្នាក់ទៀត ក្នុងវ័យកុមារភាព ដែលត្រូវរស់នៅឆ្ងាយពីឪពុកម្តាយ ចន្ធីបានឆ្លងកាត់ពេលវេលាដ៏លំបាក ទាំងបញ្ហាផ្លូវចិត្ត ការខ្វះខាតធនធាន ហើយស្ទើរតែបាត់បង់ក្តីសុបិនក្នុងការសិក្សា។ ប៉ុន្តែតាមរយៈការគាំទ្រពីកម្មវិធីកុមារទំនុកបម្រុងរបស់អង្គការ អេហ្វ អេក កម្ពុជា ជីវិតរបស់ប្អូនបានចាប់ផ្តើមបំផ្លាស់បំប្រែគួរឱ្យសម្គាល់ មិនមែនត្រឹមតែការសិក្សា ប៉ុន្តែរួមទាំងជំនាញជីវិត ការជឿជាក់លើខ្លួន និងភាពក្លាហានក្នុងការស្រមៃអំពីអនាគត។ ដោយមានភាពខិតខំ និងឆន្ទៈរឹងមាំ ចន្ធីបានចូលរួមសកម្មក្នុងវេទិកាកុមារ និងយុវជន កម្មវិធីអប់រំ និងអនាម័យ ហើយក៏បានជាគ្រូស្ម័គ្រចិត្ត ចន្ទធីបានរកឃើញពន្លឺថ្មីមួយក្នុងជីវិត ដោយការកសាងខ្លួនឯងឡើងវិញដោយភាពរឹងមាំ បង្កើនលទ្ធផលសិក្សា និងបន្តរីកចម្រើនក្នុងជំនាញដឹកនាំ។ មិនត្រឹមតែបំផ្លាស់បំប្រែជីវិតរបស់ខ្លួនប៉ុណ្ណោះទេ ការគាំទ្រនេះក៏បានប៉ះពាល់ដល់គ្រួសាររបស់ប្អូនផងដែរ តាមរយៈការចូលរួមក្នុងគម្រោងអភិវឌ្ឍន៍ រួមមានវគ្គបណ្តុះបណ្តាលអាជីវកម្ម និងកសិកម្ម គ្រួសាររបស់ប្អូនស្រីអាចបង្កើនទាំងអាហារសម្រាប់បរិភោគ និងប្រភពចំណូលប្រចាំថ្ងៃ។ សព្វថ្ងៃ ប្អូនស្រី ចន្ធី មិនមែនជាកុមារដែលធ្លាប់អស់ក្តីសង្ឃឹមទៀតទេ។ ប្អូនស្រីបានក្លាយជាគំរូសម្រាប់ប្អូនៗដទៃទៀត ក្នុងនាមជាគ្រូស្ម័គ្រចិត្ត ឱ្យបង្វែមកជឿជាក់លើសមត្ថភាពខ្លួនឯង ខណៈដែលកំពុងបន្តដំណើរឆ្ពោះទៅសុបិនធំមួយ ការសិក្សាថ្នាក់ឧត្តមសិក្សា។ “ខ្ញុំធ្លាប់មានអារម្មណ៍ឯកោ អៀនខ្មាស់ និងមិនប្រាកដថាខ្ញុំអាចបន្តការសិក្សាបានឬអត់។ តែអង្គការ អេហ្វ […]

[English Below] វត្តមានឪពុកដ៏ល្អម្នាក់ មានតម្លៃខ្លាំងណាស់ ហើយមិនអាចវាស់វែងបានទេ។ ពីការជួយកូនៗឱ្យមានទំនុកចិត្តលើខ្លួនឯង ដល់ការបង្រៀនអំពីភាពអត់ធ្មត់ និងកម្លាំងចិត្ត តួនាទីរបស់ឪពុក—មិនថាមានទម្រង់ណាក៏ដោយ—គឺជាមូលដ្ឋានសំខាន់សម្រាប់ជីវិតគ្រួសារឱ្យរស់នៅក្នុងបរិយាកាសល្អ និងរីកចម្រើន។ 🌿 សូមអបអរសាទរ ទិវាគុណឪពុក! 👔✨ The impact of a positive father figure is immeasurable. From building confidence to teaching resilience, the role of a father—in all its forms—is a cornerstone of a healthy, thriving family. 🌿 Happy Father’s Day! 👔✨ #FathersDay2026 #FHCambodia

[English Below] កាលពីថ្ងៃទី១៦ ដល់ ១៨ ខែមិថុនា ឆ្នាំ២០២៦ អង្គការ អេហ្វ អេក កម្ពុជា បានបើកវគ្គតម្រង់ទិសស្តីពីការប្រើប្រាស់កញ្ចប់សម្ភារៈបង្រៀន និងរៀនអំណាន និងគណិតវិទ្យាថ្នាក់ដំបូង ដល់គ្រូបង្រៀន នាយកសាលា បណ្ណារក្ស និងមន្ត្រីការិយាល័យអប់រំ នៅតំបន់កម្មវិធីក្រុងសំរោង ខេត្តឧត្ដរមានជ័យ។ វគ្គនេះផ្តោតលើការប្រើប្រាស់ល្បែងសិក្សា និងសម្ភារៈបង្រៀន ដើម្បីជួយពង្រឹងសមត្ថភាពអំណាន និងគណិតវិទ្យារបស់សិស្សថ្នាក់ដំបូង ព្រមទាំងជំរុញការរៀនតាមរយៈការលេង ការចូលរួមសកម្ម និងការជួយគ្នារវាងសិស្សនិងសិស្ស។ សិក្ខាកាមក៏បានស្វែងយល់បន្ថែមអំពីការថែរក្សា និងប្រើប្រាស់សម្ភារៈឱ្យមានប្រសិទ្ធភាព ការរៀបចំសកម្មភាពក្នុងថ្នាក់រៀន និងបណ្ណាល័យ និងការឆ្លើយតបរហ័សដល់សិស្សដែលត្រូវការការគាំទ្របន្ថែម។ តាមរយៈការចូលរួម និងការសង្កេតក្នុងវគ្គនេះ គ្រូបង្រៀន នាយកសាលា បណ្ណារក្ស និងមន្ត្រីអប់រំ បានបង្ហាញការកោតសរសើរ និងអំណរគុណចំពោះ អេហ្វ អេក កម្ពុជា ដែលបានគាំទ្រវគ្គតម្រង់ទិសដ៏មានសារៈសំខាន់នេះ។ ពួកគេបានចាត់ទុកវគ្គនេះជាឱកាសដ៏ល្អក្នុងការពង្រឹងចំណេះដឹង និងបំណិនអនុវត្ត ដើម្បីយកសម្ភារៈទៅប្រើប្រាស់ជាក់ស្តែងក្នុងការបង្រៀន និងរៀន។ អង្គការ អេហ្វ អេក កម្ពុជា គឺជាដៃគូអប់រំ ដើម្បីលើកកម្ពស់គុណភាពការអប់រំថ្នាក់ដំបូង និងជួយឱ្យកុមារមានមូលដ្ឋានគ្រឹះរឹងមាំក្នុងការអាន […]