[English Below] នៅក្នុងអំឡុងពេលដែលមានអាកាសធាតុក្តៅ សូមយកចិត្តទុកដាក់ថែរក្សាសុខភាពរបស់អ្នក ដោយផឹកទឹកឱ្យបានទៀងទាត់ ស្នាក់នៅក្នុងផ្ទះ ឬកន្លែងមានម្លប់ រក្សារបបអាហារ និងអនាម័យឱ្យបានល្អ។ ការអនុវត្តទាំងនេះនឹងជួយការពារ ថែរក្សាសុខភាពកុមារ គ្រួសារ និងសហគមន៍ពីបញ្ហាសុខភាពដែលអាចកើតមាន។ សូមអនុវត្តតាមវិធានការដូចខាងក្រោម៖ During hot weather, take extra care of your health by drinking water regularly, staying indoors or in shaded areas, and maintaining proper nutrition and hygiene. These practices help protect children, families, and communities from potential health risks. Follow these practices: #HotWeatherCare […]

[English Below] វគ្គបណ្ដុះបណ្ដាលគ្រូបង្គោលស្តីអំពីការធ្វើកសិកម្មតាមបែបធម្មជាតិ (FNW) អង្គការ អេហ្វ អេក កម្ពុជា បានទទួលជោគជ័យនូវវគ្គបណ្តុះបណ្តាលគ្រូបង្គោល (ToT) រយៈពេល ២ថ្ងៃ លើការអនុវត្តកសិកម្មតាមបែបធម្មជាតិ (FNW) ស្ថិតនៅក្រោមកម្មវិធីគម្រោងការកសាងទ្រព្យសកម្ម ឆ្ពោះទៅកាន់មាគ៌ាររីកចម្រើន នៅខេត្តសៀមរាប។ វគ្គបណ្តុះបណ្តាលនេះបានរួមបញ្ចូលមន្ត្រីកសិកម្មឃុំ និងបុគ្គលិករបស់អង្គការ អេហ្វ អេក (អ្នកសម្របសម្រួលការអភិវឌ្ឍ) ដោយផ្តល់ឱ្យពួកគេនូវចំណេះដឹងអនុវត្ត និងជំនាញសម្របសម្រួល ស្តីពីការអនុវត្តកសិកម្មតាមបែបធម្មជាតិ រួមមានការធ្វើកសិកម្មអភិរក្ស កសិរុក្ខកម្ម ជីសរីរាង្គ ថ្នាំបណ្តេញសត្វល្អិតផ្សំពីរុក្ខជាតិ និងជីវសាស្ត្រ ដើម្បីស្តារប្រព័ន្ធអេកូឡូស៊ីដែលរងផលប៉ះពាល់ និងផលិតអាហារដែលមានសុវត្ថិភាព និងមានសុខភាពល្អ។ វគ្គបណ្តុះបណ្តាលនេះធ្វើឡើងក្នុងគោលបំណង ដើម្បីពង្រឹងសមត្ថភាពរបស់ពួកគេក្នុងការផ្ទេរចំណេះដឹងទៅកាន់កសិករ ការពារធនធានធម្មជាតិ និងជំរុញជីវភាពរស់នៅឱ្យប្រសើរឡើងនៅក្នុងសហគមន៍របស់ពួកគេ។ Training of Trainers on Farming Nature’s Way FH Cambodia successfully conducted a 2-days Training of Trainers (ToT) on […]

[English Below] សហគមន៍ថ្នល់កែង និងសហគមន៍អូរសោម បានរៀបចំពិធីប្រកាសបើកដំណើរការកន្លែងចែកចាយទឹកខ្នាតតូចថ្មីមួយ ដែលជាជំហានដ៏សំខាន់ក្នុងការកែលម្អការចូលដំណើរការទឹកស្អាត និងមានសុវត្ថិភាពសម្រាប់ប្រជាពលរដ្ឋក្នុងសហគមន៍។ កន្លែងប្រមូលទឹកនេះ អាចប្រើប្រាស់សម្រាប់ផឹក លាងសម្អាត រៀបចំអនាម័យ និងចិញ្ចឹមសត្វ ដែលជួយលើកកម្ពស់សុខភាព បន្ថយជំងឺបណ្តាលមកពីទឹក និងគាំទ្រជីវភាពរស់នៅប្រចាំថ្ងៃរបស់គ្រួសារ ក្នុងសហគមន៍។ 💧   កម្មវិធីតំបន់ត្រពាំងប្រាសាទ ៣ របស់អង្គការ អេហ្វ អេក បានសហការជាមួយថ្នាក់ដឹកនាំមូលដ្ឋាន ក្នុងការប្រកាសគម្រោងនេះជូនសមាជិកសហគមន៍ចូលរួមចំនួន ១០០ នាក់ មកពីភូមិគោលដៅទាំងពីរ ដែលក្នុងនោះមានស្ត្រី ៥២ នាក់។ ក្នុងចំណោមអ្នកចូលរួមទាំងនោះ មាន ១០ នាក់មកពីគ្រួសារក្រ​ ១ និង ១៧ នាក់មកពីគ្រួសារ​ក្រ​ ២ ដើម្បីធានាថា គ្រួសារងាយរងគ្រោះបំផុត ត្រូវបានរួមបញ្ចូលក្នុងគម្រោងកម្មវិធីនេះ។ ការចូលរួមយ៉ាងសកម្មរបស់ថ្នាក់ដឹកនាំមូលដ្ឋានចំនួន ៤ រូប មានតួនាទីសំខាន់ក្នុងការបង្កើនភាពជាកម្មសិទ្ធិរបស់សហគមន៍ ធានាការប្រើប្រាស់ និងការថែទាំកន្លែងទឹកបានយ៉ាងមានប្រសិទ្ធភាព និងគាំទ្រការគ្រប់គ្រងធនធានទឹកប្រកបដោយចីរភាព។ កិច្ចខិតខំរួមគ្នានេះ បានជួយពង្រឹងភាពធន់ទ្រាំរបស់សហគមន៍ចំពោះបញ្ហាខ្វះទឹក និងលើកកម្ពស់សុខុមាលភាពរយៈពេលវែង។ 🤝 រួមគ្នា […]

[English Below] ការចាប់ផ្ដើមដ៏ឆ្លាតវៃ គឺជាកម្មវិធីមួយលើកកម្ពស់ការយល់ដឹងដល់អ្នកថែទាំកុមារតូច ដែលមានអាយុពី ០-៥ ឆ្នាំ ពីការចិញ្ចឹមបីបាច់ថែរក្សាប្រកបដោយប្រសិទ្ធភាព តាមរយៈសកម្មភាពប្រចាំថ្ងៃរបស់ពួកគេ។ កម្មវិធីតំបន់ស្រុកត្រពាំងប្រាសាទ ស្រុកពួក និងស្រុកបន្ទាយអំពិលរបស់អង្គការ អេហ្វ អេក កម្ពុជា បានកំពុងបណ្ដុះបណ្ដាលដល់អ្នកស្ម័គ្រចិត្តសហគមន៍ ដើម្បីយល់ដឹងពីការអភិវឌ្ឍកុមារតូច និងវិធីសាស្ត្រសម្របសម្រួលដល់ក្រុមអ្នកថែទាំកុមារតូច ឱ្យទទួលបាននូវចំណេះដឹង ជំនាញ និងបទពិសោធន៍ល្អៗ ក្នុងការចិញ្ចឹមបីបាច់កូនប្រកបដោយការឆ្លើយតប។ កម្មវិធីការចាប់ផ្ដើមដ៏ឆ្លាតវៃរបស់អង្គការ អេហ្វ អេក បានកំពុងផ្ដល់ការគាំទ្រដល់ការសម្រេចបាននូវគោលនយោបាយជាតិ គាំពារ និងអភិវឌ្ឍកុមារតូច តាមរយៈការចុះគាំទ្រ ផ្សព្វផ្សាយរបស់អ្នកស្ម័គ្រចិត្តសហគមន៍ ទៅដល់ក្រុមអ្នកថែទាំកុមារតូចនៅតាមភូមិគោលដៅនីមួយៗ​ ដោយសហការជាមួយអាជ្ញាធរមូលដ្ឋាន សមាជិកនៃគណៈកម្មាធិការទទួលបន្ទុកកិច្ចការនារី និងកុមារឃុំ និងអ្នកពាក់ព័ន្ធផ្សេងទៀតនៅក្នុងសហគមន៍។ កម្មវិធីនេះមានគោលបំណង៖ ផ្ដល់នូវចំណេះដឹង ជំនាញ និងបទពិសោធន៍ល្អៗទាក់ទងនឹងការចិញ្ចឹមបីបាច់កុមារតូច ដែលមានអាយុចាប់ពី ០-៥ ឆ្នាំ មានវិធីសាស្ត្រល្អៗក្នុងការចិញ្ចឹមបីបាច់ថែរក្សាកុមារតូច តាមរយៈសកម្មភាពប្រចាំថ្ងៃ ជម្រុញការផលិតនូវសម្ភារៈងាយៗ ដែលអាចរកបាននៅបរិវេណជុំវិញផ្ទះ ដើម្បីគាំទ្រដល់ការលេងរបស់កុមារតូច លើកកម្ពស់ការចូលរួមរបស់សមាជិកក្នុងគ្រួសារ ដើម្បីគាំទ្រសកម្មភាពលេងរបស់កុមារតូច ផ្ដល់ឱ្យអ្នកថែទាំកុមារតូចបានស្វែងយល់ពីគន្លឹះ តម្រុយ សកម្មភាពរបស់កុមារតូច និងរបៀបដែលឆ្លើយតបប្រកបដោយភាពវិជ្ជមាន។ Smart Start […]

[English Below] សប្តាហ៍នេះ ពួកយើងមានកិត្តិយសយ៉ាងខ្លាំងក្នុងការទទួលស្វាគមន៍ លោក Mark Viso អគ្គនាយក និងជាប្រធានអង្គការ Food for the Hungry (FH) ប្រចាំសហរដ្ឋអាមេរិក និង លោកស្រី Kate Musimwa ប្រធានផ្នែកកម្មវិធី និងធនធានសាធារណៈ ក្នុងឱកាសដែលពួកគាត់បានបំពេញទស្សនកិច្ចនៅតាមសហគមន៍ដែលយើងកំពុងបម្រើ។ ទស្សនកិច្ចនេះ រួមមានកម្មវិធីតំបន់ស្រុកពួក ក្នុងខេត្តសៀមរាប និងកម្មវិធីតំបន់ចុងកាល់ និងត្រពាំងប្រាសាទ ក្នុងខេត្តឧត្តរមានជ័យ។ ការបំពេញទស្សនកិច្ចនេះ បានបង្ហាញយ៉ាងច្បាស់អំពីការប្តេជ្ញាចិត្តរួមរបស់ពួកយើង ក្នុងការដើរជាមួយគ្នាជាមួយភាគីពាក់ព័ន្ធ ដៃគូអភិវឌ្ឍន៍ និងសហគមន៍ ដោយការស្តាប់ និងស្វែងយល់ពីបទពិសោធន៍ និងទស្សនៈផ្ទាល់របស់សហគមន៍ និងធ្វើការរួមគ្នា ដើម្បីគាំទ្រឱ្យសហគមន៍មានសមត្ថភាពក្នុងការសម្រេចចិត្តដោយខ្លួនឯង បំលែងក្តីសង្ឃឹមទៅជាសកម្មភាពដែលមានន័យ និងជំរុញឱ្យសហគមន៍មានភាពរីកចម្រើន។ រួមគ្នា ពួកយើងបន្តអនុវត្តគោលបំណងរួមរបស់យើង ដើម្បីគាំទ្រកុមារ គ្រួសារ និងសហគមន៍ ឱ្យមានភាពធន់ មានសមត្ថភាព និងមានឱកាសក្នុងការកំណត់អនាគតរបស់ខ្លួន ដោយឆ្ពោះទៅមុខជាមួយជំនឿមុតមាំ ស្របតាមគុណតម្លៃនៃចង្វាក់បេះដូង និងមាគ៌ាឆ្ពោះទៅរកភាពរីកចម្រើនក្នុងវិស័យអាទិភាពសំខានៗរបស់យើង។ 🤝✨ This week, we […]

[English Below] អង្គការ អេហ្វ អេក កម្ពុជា លើកកម្ពស់ការអប់រំបរិយាបន្ន ដើម្បីធានាថាកុមារគ្រប់រូបមានឱកាសទទួលបានការអប់រំដូចគ្នា ក្នុងគ្រប់ស្ថានភាពទាំងអស់។ ដូចនេះហើយ អង្គការ អេហ្វ អេក កម្ពុជា បានរៀបចំទិវាជាតិអំណានលើកទី១១ ក្រោមប្រធានបទ “សំណេរ និងអំណានក្នុងបរិបទថ្មី” នៅជំរំសុវត្ថិភាពវត្តបាត់ថ្កៅ ក្នុងស្រុកចុងកាល់ ខេត្តឧត្តរមានជ័យ ដោយមានការសហការរៀបចំពីមន្ទីរអប់រំ យុវជន និងកីឡា និងអាជ្ញាធរមូលដ្ឋាន។ ទិវានេះរៀបចំឡើង ក្នុងគោលបំណងលើកកម្ពស់អំពីសារៈសំខាន់នៃអំណាន ដែលរួមមាន៖ ការអភិវឌ្ឍបញ្ញា ការពង្រឹងសមត្ថភាពគិតវិភាគ ការបង្កើនជំនាញស្រាវជ្រាវ និងការពង្រីកទស្សនវិស័យឱ្យកាន់តែទូលំទូលាយ។ ទិវានេះក៏រម្លឹកដល់អ្នកថែទាំកុមារ និងកុមារឱ្យយល់ដឹងថា ការអានអាចកើតមានឡើងនៅគ្រប់ពេល គ្រប់ទីកន្លែង ដោយមានសម្ភារៈអំណានផ្សេងៗ ជាពិសេសការអានជាមួយកុមារនៅផ្ទះ។ FH Cambodia promotes inclusive education to ensure that every child, regardless of circumstances, can access learning opportunities. […]

[English Below] បន្ទាប់ពីជំនួបសម្តែងការគួរសម និងពិភាក្សាការងារជាមួយក្រសួងអប់រំ យុវជន និងកីឡា រួចមក លោក Mark Viso អគ្គនាយក និងជានាយកប្រតិបត្តិ នៃអង្គការ អេហ្វ អេក ប្រចាំនៅសហរដ្ឋអាមេរិក រួមជាមួយក្រុមការងារ អង្គការ អេហ្វ អេក កម្ពុជា បានធ្វើដំណើរទស្សនកិច្ចទៅកាន់ជំរំសុវត្ថិភាព វត្តបាត់ថ្កៅ ជាមួយប្រធានមន្ទីរអប់រំខេត្ត និងអាជ្ញាធរមូលដ្ឋាន។   ដំណើរទស្សនកិច្ចនេះបានបង្កើតឱកាសដ៏មានអត្ថន័យមួយ ដើម្បីជួបកុមារ និងមាតាបិតា បានឃើញសកម្មភាពលើកកម្ពស់ការអាន និងលើកទឹកចិត្តឱ្យមានវប្បធម៌នៃការអាន ទោះបីជាស្ថិតក្នុងស្ថានភាពអាសន្នក៏ដោយ។ តាមរយៈក្រុមអំណាន សកម្មភាពគូររូប និងការរៀនសូត្រដោយប្រើសម្ភារៈពង្រឹងអំណាន ព្រឹត្តិការណ៍នេះបានឆ្លុះបញ្ចាំងពីការប្តេជ្ញាចិត្តរួមគ្នារបស់យើង ក្នុងការជួយកុមារបន្តការសិក្សាប្រកបដោយក្តីសង្ឃឹម ការយកចិត្តទុកដាក់ និងប្រកបដោយសេចក្តីថ្លៃថ្នូរ។   Following the courtesy meeting and work discussion with the Ministry of Education, Youth and Sport (MoEYS), […]

អង្គការ អេហ្វ អេក កម្ពុជា មានកិត្តិយសបានអមដំណើរលោក Mark Viso អគ្គនាយក និងជានាយកប្រតិបត្តិ នៃអង្គការ អេហ្វ អេក ប្រចាំនៅសហរដ្ឋអាមេរិក ចូលជួបសម្តែងការគួរសម និងពិភាក្សាការងារជាមួយក្រសួងអប់រំ យុវជន និងកីឡា ក្រោមអធិបតីភាព ឯកឧត្តម បណ្ឌិតសភាចារ្យ ហង់ ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។ អង្គការ អេហ្វ អេក គឺជាអង្គការអន្តរជាតិ ដែលកំពុងធ្វើការនៅក្នុងប្រទេសចំនួន ១៩ រួមទាំងប្រទេសកម្ពុជាផងដែរ ដែលយើងបានចាប់ដៃគូជាមួយសហគមន៍ និងអ្នកពាក់ព័ន្ធ រដ្ឋាភិបាល ដើម្បីជួយគាំទ្រលើវិស័យកសិកម្ម សុខភាព អាហារូបត្ថម្ភ ទឹកស្អាត អនាម័យ និងសុខុមាលភាព និងការអប់រំ។ ជំនួបពិភាក្សានេះបានផ្តល់ឱកាសដ៏មានតម្លៃមួយ ដើម្បីពិភាក្សាអំពីកិច្ចសហប្រតិបត្តិការដែលកំពុងបន្តអាទិភាពរួម និងវិធីដើម្បីពង្រឹងកិច្ចខិតខំប្រឹងប្រែងបន្ថែមទៀត ដើម្បីលើកកម្ពស់ការអប់រំប្រកបដោយសមធម៌ បរិយាបន្ន និងគុណភាពសម្រាប់កុមារនៅតាមខេត្តជាប់ព្រំដែនកម្ពុជា-ថៃ។ អង្គការ អេហ្វ អេក កម្ពុជា ពិតជាផ្តល់តម្លៃយ៉ាងជ្រាលជ្រៅចំពោះការបន្តភាពជាអ្នកដឹកនាំ […]

🌟 បង្កើនសមត្ថភាព ដើម្បីបង្កើតផលជះវិជ្ជមានកាន់តែប្រសើរ! អង្គការ អេហ្វ អេក កម្ពុជា បានរៀបចំការបណ្ដុះបណ្ដាលស្ដីពីគំរូកម្មវិធី UNLOCK ទៅដល់បុគ្គលិក ដែលជាជំហានសំខាន់មួយក្នុងការបង្កើនសមត្ថភាពរួមគ្នា ដើម្បីគាំទ្រការអភិវឌ្ឍន៍ និងការបំផ្លាស់បំប្រែសហគមន៍ឱ្យកាន់តែប្រសើរ។ ដំណើរការរៀននេះជួយឲ្យក្រុមការងាររបស់យើង មានសមត្ថភាពបង្កើតផលជះកាន់តែប្រសើរ ប្រកបដោយនិរន្តរភាព និងផ្អែកលើសហគមន៍ជាចម្បង។ រួមគ្នា! យើងនឹងបន្តកំណត់រកសក្តានុពល និងពង្រឹងសមត្ថភាពកសាងភាពធន់ សម្រាប់សហគមន៍ដែលយើងបម្រើ! 🌟 Building Capacity for Greater Impact! FH Cambodia recently conducted the UNLOCK Program Model Training for our staff—an important step toward strengthening our collective ability to support community transformation. This learning journey equips our team […]

[English Below] ក្នុងឱកាស «ទិវាជាតិអំណាន» ឆ្នាំនេះ អង្គការ អេហ្វ អេក កម្ពុជា មានកិត្តិយសបានរួមជាមួយក្រសួងអប់រំ យុវជន និងកីឡា ក្នុងការប្រារព្ធក្រោមប្រធានបទ “សំណេរ និងអំណានក្នុងបរិបទថ្មី”។   យើងមានមោទនភាពដែលបានចូលរួមគាំទ្រការលើកកម្ពស់ទម្លាប់នៃការអាននៅកម្ពុជា តាមរយៈការគាំទ្របណ្ណាល័យសាលារៀន ការផ្ដល់សៀវភៅ សម្ភារៈពង្រឹងអំណាន បណ្ណាល័យសហគមន៍ និងបណ្ណាល័យឌីជីថល ដែលជួយឱ្យកុមារទទួលបានឱកាសសមស្របក្នុងការអាន និងរៀនបន្ថែម។   ការអានគឺជាគន្លឹះសំខាន់ សម្រាប់ការរៀនពេញមួយជីវិត និងនាំឱ្យអនាគតរបស់ពួកគេភ្លឺស្វាង។ អង្គការ អេហ្វ អេក កម្ពុជា នឹងបន្តសហការជាមួយសាលារៀន សហគមន៍ ក្រសួងអប់រំ និងដៃគូ ដើម្បីលើកទឹកចិត្តកុមារឱ្យស្រឡាញ់ ទម្លាប់អាន និងពង្រឹងបំណិនអាន សរសេរ សម្រាប់ទាំងអស់គ្នា។   On National Reading Day, FH Cambodia is honored to join MoEYS in celebrating the […]