[English Below] អ្នកស្រី ឃួន ស៊ី​ណាន អាយុ ​២៧​ឆ្នាំ ​រស់នៅ​ភូមិ​ត្រពាំងខ្នារ ស្រុក​ស្វាយ​លើ។ គាត់​ធ្លាប់​បាត់​បង់កូនក្នុង​ផ្ទៃ​ពោះចំនួន​បី​លើក ដោយការ​រលូត​កូន​ក្នុង​អំឡុង​ត្រីមាស​ទី​មួយ និង​ទី​ពីរ​នៃ​ការ​មាន​ផ្ទៃពោះ​។ អ្នកស្រី ស៊ីណាន បាន​និយាយ​ថា៖ «ខ្ញុំ​ស្គម ហើយ​ឧស្សាហ៍​មាន​អារម្មណ៍​ថា​ឈឺ និង​អស់កម្លាំង​ក្នុង​ពេល​មាន​ផ្ទៃពោះ។ ក្រោយមកទៀត ក្រុមអ្នកស្ម័គ្រចិត្តនៃក្តីសង្ឃឹមសុខភាពដែលបានទទួលការបណ្តុះបណ្តាល ហៅថាក្រុមទ្រទ្រង់សុខភាពភូមិបានមកលេងនិងសួរសុខទុក្ខខ្ញុំនៅផ្ទះ ហើយនិយាយជាមួយខ្ញុំអំពីការអនុវត្តឱ្យបានត្រឹមត្រូវក្នុងអំឡុងពេលមានផ្ទៃពោះ។ ពួកគាត់បានកត់សម្គាល់ឃើញថា ខ្ញុំមើលទៅស្គម ស្លេកស្លាំង ហើយបានលើកទឹកចិត្តខ្ញុំឱ្យស្វែងរកការថែទាំសុខភាពពីអ្នកផ្តល់សេវាសុខភាពនៅមណ្ឌលសុខភាពក្នុងស្រុក នៅឯមណ្ឌលសុខភាពស្វាយលើ។ នៅទីបំផុត ខ្ញុំអាចពពោះ និងសម្រាលបានកូនស្រី ដែលមានសុខភាពល្អមកទល់សព្វថ្ងៃ។ ខ្ញុំបានស្វែងរកការថែទាំពីពេទ្យឆ្មបច្រើនជាងបួនដង។ ខ្ញុំបានផ្លាស់ប្តូរទម្លាប់ប្រចាំថ្ងៃរបស់ខ្ញុំ ដូចជាការញ៉ាំអាហារដែលមានជីវជាតិ រួមទាំងបន្លែស្លឹកបៃតង សាច់ និងផ្លែឈើក្នុងស្រុក។ ខ្ញុំបានបង្កើនភាពញឹកញាប់នៃការទទួលទានអាហាររបស់ខ្ញុំដល់ទៅបួនដងក្នុងមួយថ្ងៃ លេបថ្នាំគ្រាប់ជាតិដែក។ ក្រុមអ្នកស្ម័គ្រចិត្តទ្រទ្រង់សុខភាពភូមិបានផ្តល់ប្រឹក្សាពីអាហារូបត្ថម្ភ និងពិភាក្សាអំពីអាហារដែលផ្តល់នូវសុខភាពល្អ ការអនុវត្តអនាម័យល្អ និង ជៀសវាងអាកប្បកិរិយាប្រថុយប្រថានដូចជាការកាន់របស់ធ្ងន់ និងសញ្ញាគ្រោះថ្នាក់អំឡុងពេលមានផ្ទៃពោះ។ លើសពីនេះទៀត ខ្ញុំបានចូលរួមក្នុងវគ្គផ្សព្វផ្សាយការយល់ដឹងអំពីសុខភាពសហគមន៍ ដែលធ្វើឡើងដោយបុគ្គលិកកម្មវិធីសុខភាព និងអាហារូបត្ថម្ភ និងក្រុមអ្នកស្ម័គ្រចិត្តទ្រទ្រង់សុខភាពភូមិ។ ខ្ញុំ​បាន​សម្រាល​បាន​កូន​ស្រី​ដែល​មាន​សុខភាព​ល្អ​ និងឆ្លាត។ ខ្ញុំបានបំបៅកូនដោយទឹកដោះម្តាយទាំងស្រុង សម្រាប់រយៈពេលប្រាំមួយខែដំបូង ហើយបន្ទាប់មកឱ្យញ៉ាំបបរខាប់គ្រប់គ្រឿងដែលមានជីវជាតិរួមជាមួយការបំបៅកូនដោយទឹកដោះ។ […]

[English] ការពង្រឹងអំណាច តាមរយៈការលើកកម្ពស់ជីវភាពរស់នៅ និងភាពជាអ្នកដឹកនាំ លោក ទិត្យ ចន មានអាយុ ៤៧ឆ្នាំ ធ្លាប់​ជួប​ការ​លំបាក​ក្នុង​ការ​ផ្គត់ផ្គង់​ជីវភាពគ្រួសារ​ ដោយ​សារ​ប្រាក់​ចំណូល​ទាប អសន្តិសុខ​ស្បៀង និងជាប់​បំណុល។ ក្តីស្រមៃរបស់គាត់ដែលចង់ឃើញកូនៗរបស់គាត់បញ្ចប់ការសិក្សា និងទទួលបានជោគជ័យ មានអារម្មណ៍ថាមិនអាចទៅរួច រហូតដល់គាត់បានចូលរួមជាមួយអង្គការ អេហ្វ អេក កម្ពុជា។ ដោយកូនរបស់គាត់បានចុះឈ្មោះក្នុងកម្មវិធីទំនុកបម្រុង ប្រពន្ធរបស់គាត់បានក្លាយជាអ្នកស្ម័គ្រចិត្តក្តីសង្ឃឹមផ្នែកសុខភាព ហើយគាត់ផ្ទាល់បានក្លាយជាអ្នកស្ម័គ្រចិត្តដៃគូសហគមន៍ និងភ្នាក់ងារសុខភាពសត្វភូមិ។ តាមរយៈ អង្គការ អេហ្វ អេក កម្ពុជា គាត់បានទទួលការបណ្តុះបណ្តាលផ្នែកសុខភាពសត្វ ចំណេះដឹងផ្នែកហិរញ្ញវត្ថុ កសិកម្មឆ្លាតវៃ ការគ្រប់គ្រងទឹក និងជាភ្នាក់ងារនៃការផ្លាស់ប្តូរឥរិយាបថ។ គ្រួសាររបស់គាត់បានចូលរួមជាមួយក្រុមសន្សំ រៀនគ្រប់គ្រងបំណុល និងចាប់ផ្តើមអនុវត្តកសិកម្មឆ្លាតវៃដែលធន់នឹងអាកាសធាតុ។ សព្វថ្ងៃនេះ គាត់រកចំណូលបានពី ៥០,០០០-១០០,០០០រៀលក្នុងមួយថ្ងៃ (~$១២.៥០-២៥$) ពីការលក់បន្លែ ជួយផ្គត់ផ្គង់ដល់ការសិក្សាកូន និងសន្សំប្រាក់បានជាប់លាប់។ ការពង្រឹងអំណាចកើនឡើង “អង្គការ អេហ្វ អេក កម្ពុជា មិនត្រឹមតែបង្រៀនខ្ញុំឱ្យមានជំនាញប៉ុណ្ណោះទេ ពួកគេថែមទាំងជំរុញខ្ញុំឱ្យមានសង្ឃឹមសាជាថ្មី។ ខណៈដែលខ្ញុំអាចរកចំណូលមកចិញ្ចឹមគ្រួសារ និងចែករំលែកចំណេះដឹងរបស់ខ្ញុំ ដើម្បីជួយដល់អ្នកដទៃទៀតឱ្យរីកចម្រើន។ ខ្ញុំមិនត្រឹមតែកសាងអនាគតសម្រាប់តែកូនៗខ្ញុំប៉ុណ្ណោះទេ […]

[English Below] លោកស្រី ម៉ៅ កៅអឿយ ជាមន្ត្រីឃុំស្វាយលើ កំពុងបម្រើតួនាទីជាគណៈកម្មាធិការទទួលបន្ទុកកិច្ចការនារី និងកុមារឃុំ។ គាត់​មាន​អាយុ​ ២៦​ឆ្នាំ រស់នៅ​ភូមិ​ថ្មី ស្រុកស្វាយលើ។ លោកស្រីបានមានប្រសាសន៍ថា “កាលពីមុនក្នុងនាមខ្ញុំជាមន្ត្រីទទួលបន្ទុកកិច្ចការស្ត្រី និងកុមាររបស់ ឃុំ ខ្ញុំមិនមានឱកាសច្រើនក្នុងការចូលរួមក្នុងការលើកកម្ពស់សុវត្ថិភាពកុមារ និងអំពើហិង្សាក្នុងគ្រួសារ ក៏ដូចជាសហការជាមួយអង្គការដៃគូ និងបានចូលរួមក្នុងការដោះស្រាយបញ្ហាគ្រួសារប៉ុន្មានទេ។ មូលហេតុបណ្តាលមកពី​ខ្ញុំ​ភ័យ​ខ្លាច និង​មិន​មាន​ជំនាញ​ក្នុង​ ការ​ជួយ​សម្របសម្រួល ហើយ​ម្យ៉ាង​វិញ​ទៀត ខ្ញុំ​ខ្វះចំណេះ​ដឹង​ក្នុង​ការ​ទំនាក់​ទំនង។ ប៉ុន្តែបន្ទាប់ពីខ្ញុំបានទទួលការអញ្ជើញចូលរួមវគ្គបណ្តុះបណ្តាល ក៏ដូចជាកិច្ចប្រជុំជាច្រើនទៀត ជាមួយអង្គការ អេហ្វ អេក កម្ពុជា ជាពិសេសលើការពង្រឹងសមត្ថភាព មេរៀនសម្របសម្រួលស្តីពីការការពារកុមារ សមភាពយេនឌ័រ ការការពារអំពើហិង្សាក្នុងគ្រួសារ និងការដោះស្រាយជម្លោះក្នុងគ្រួសារ ដោយមានការសហការល្អជាមួយមន្ត្រីនគរបាលនៃរដ្ឋបាលឃុំ និងមេភូមិទាំងអស់ជាច្រើនលើកច្រើនសារ។ ការទាំងនេះហើយជួយឱ្យខ្ញុំបង្កើនភាពក្លាហាន មិនសូវភ័យខ្លាចដូចមុន ហើយធ្វើឱ្យខ្ញុំស្វែងយល់កាន់តែជ្រាបច្បាស់អំពីតួនាទី និងទំនួលខុសត្រូវក្នុ្ងងនាមជាអាជ្ញាធរមានសមត្ថកិច្ច ដោយទទួលខុសត្រូវលើការងារ ហើយអាចសម្របសម្រួល ក៏ដូចជាផ្សព្វផ្សាយ និងសហការល្អជាមួយសហគមន៍មូលដ្ឋាន ក៏ដូចជាការធ្វើការជាមួយគ្រប់ស្ថាប័ន។ អង្គការ អេហ្វ អេក បានផ្តល់មេរៀន និងវគ្គបណ្តុះបណ្តាលច្បាស់លាស់ និងមេរៀនផ្នែកដឹកនាំល្អៗជាច្រើនដល់ខ្ញុំ”។ Mrs. Mao […]

[English Below] លោក ផន ជឿម មានអាយុ ៤៣ឆ្នាំ មានតួនាទីជាលេខាក្នុងក្រុមសន្សំ រស់នៅភូមិខ្នារក្រៅ ឃុំកន្តួត​ ស្រុកស្វាយលើ ខេត្តសៀមរាប។​ ក្រុមសន្សំមានឈ្មោះថា៖ ក្តីសង្ឃឹមសហគមន៍ភូមិខ្នារក្រៅ​។​ លោក ផន ជឿម មានប្រសាសន៍ថា៖ “ កាលពីមុន នៅក្នុងសហគមន៍មិនមានក្រុមសន្សំទេ ប្រជាជនក្នុងភូមិភាគច្រើនខ្ចីលុយពី មីក្រូហិរញ្ញវត្ថុ និងកម្ចីឯកជនដែលមានការប្រាក់ខ្ពស់។ កម្ចីមានការពិបាកជាខ្លាំងដោយត្រូវការទ្រព្យបញ្ចាំ ឯកសារផ្សេងៗច្រើន និងចំណាយពេលយូរក្នុងការទទួលបានប្រាក់។ បន្ទាប់ពីមានការផ្សព្វផ្សាយបង្កើតក្រុមសន្សំពីបុគ្គលិកអង្គការ អេហ្វ អេក ប្រជាជនក្នុងភូមិមានការចាប់អារម្មណ៍ និងបានចូលជាសមាជិកក្រុមសន្សំ។ ក្រុមសន្សំត្រូវបានបង្កើតឡើងក្នុងឆ្នាំ២០១៧ ដោយគាំទ្រពីអង្គការ អេហ្វ អេក កម្ពុជា និងទទួលបានវគ្គបណ្តុះបណ្តាលជាច្រើន ដើម្បីពង្រឹងក្រុមសន្សំ និងភាពជាអ្នកដឹកនាំ។ តាមរយៈការគាំទ្ររបស់អង្គការ អេហ្វ អេក បច្ចុប្បន្នក្រុមសន្សំមានសមាជិករហូតដល់ ១០២នាក់ ដែលមានទឹកប្រាក់ក្នុងក្រុមសរុបចំនួន ២៤៨,១១១,៥០០ រៀល។ ក្នុងក្រុមមានសមាជិក និងទុនច្រើន ដែលធ្វើឱ្យសមាជិកក្រុមទាំងអស់ភ័យខ្លាចក្រុមសន្សំប្រឈមមុខនឹងបញ្ហាជាមួយគ្រឹះស្ថានមេក្រូហិរញ្ញវត្ថុ និងស្ថាប័នផ្តល់ប្រាក់កម្ចីឯកជនដោយចំនួនទុនក្នុងក្រុមសន្សំត្រូវការការទទួលស្គាល់ពីមន្ទីអភិវឌ្ឍន៍ជនបទ។ សមាជិកក្រុមទាំងអស់មានអារម្មណ៍មិនល្អ ហើយពួកគេគិតថា ប្រាក់សន្សំមិនមានសុវត្ថិភាព។ […]