[English Below] 🌟 យើងខ្ញុំសូមណែនាំអ្នកស្រី កិ យា៖ ដែលជាថ្នាក់ដឹកនាំស្ត្រីគំរូមួយរូបមកពីភូមិព្រលឹត! 🌟 អ្នកស្រីមិនមែនគ្រាន់តែជាស្ត្រីមេផ្ទះប៉ុណ្ណោះទេ—ថែមទាំងជាអ្នកត្រួសត្រាយសហគមន៍ ជាម្តាយដ៏ល្អ និងភ្នាក់ងារផ្លាស់ប្រែដ៏សកម្ម! ក្នុងនាមជាសមាជិកគណៈកម្មាធិការទទួលបន្ទុកកិច្ចការនារី និងកុមារឃុំ សង្កាត់ (គ.ក.ន.ក) នៅឃុំរើល អ្នកស្រី កិ យា អ្នកស្រីបានប្តេជ្ញាយ៉ាងម៉ុតមាំក្នុងការគាំទ្រកុមារងាយរងគ្រោះ ស្ត្រី និងជនពិការ។ 💥 អ្វីដែលធ្វើឱ្យអ្នកស្រីជាក្លាយជាគំរូសម្រាប់អ្នកជុំវិញ រួមមាន៖ ✅ ជាអ្នកពូកែគ្រប់គ្រងពេលវេលាបានល្អ—ចូលរួមប្រជុំជាមួយអង្គការមិនមែនរដ្ឋាភិបាល ដោះស្រាយបញ្ហាសហគមន៍ និងផ្សព្វផ្សាយនូវផ្នត់គំនិតដែលជំរុញឱ្យដំណើរជីវិតរីកចម្រើន។ ✅ ជាវីរនារីក្នុងផ្ទះ—ចិញ្ចឹមកូនបានល្អ ធានាកូនៗទទួលបានការអប់រំ ចម្អិនម្ហូប និងគ្រប់គ្រងអ្វីៗទាំងអស់ ខណៈស្វាមីបម្រើការងារនៅឆ្ងាយ។ ✅ តើអ្វីជាយុទ្ធសាស្តពិសេសនៅពីក្រោយភាពរីកចម្រើននេះ? ដោយសារកត្តាជំរុញពីគ្រួសារ និងមជ្ឈដ្ឋានការងាររបស់គាត់ ដែលជំរុញលើកទឹកចិត្តអ្នកស្រីមកទល់សព្វថ្ងៃនេះ! 🙌 សារដែលបានមកពីអ្នកស្រី៖ “ខ្ញុំទ្រទ្រង់គ្រួសារដូចបុរសដែរ—ការសហការគ្នាជាគន្លឹះសំខាន់!” បេសកកម្មរបស់អ្នកស្រី៖ 🔥 ជំរុញស្ត្រីវ័យក្មេងឱ្យបញ្ចេញកម្លាំង និងស្មារតីខាងក្នុង សម្លឹងទៅមុខឱ្យខ្ពស់ និងបង្កើតអនាគតដ៏អង់អាច—ដោយមិនត្រូវការអ្នកផ្សេងជួយ! អ្នកស្រី គីក យា បង្ហាញថាស្ត្រីអាចផ្លាស់ប្តូរសហគមន៍រស់នៅរបស់យើងបាន! 🏔️✨ 💬 […]

[English Below] ✨ ចិត្តក្លាហានបានផុសឡើង៖ សាច់រឿងបង្ហាញពីរឿងរ៉ាវយុវតី ស្រីនុត ដែលមានអាយុ ២១ឆ្នាំ! យើងបានមើលឃើញពីយុវតីវ័យក្មេងមួយរូប ដែលកំពុងរីកចម្រើនឆ្ពោះទៅមុខនៅសហគមន៍គោកឪឡោក។ ប្អូនស្រីគឺជាអ្នកស្ម័គ្រចិត្តត្រួតពិនិត្យកុមារ ក្នុងកម្មវិធីទំនុកបម្រុងកុមាររបស់អង្គការ អេហ្វ អេក កម្ពុជា ហើយប្អូនកំពុងបម្រើការជាជំនួយការគណនេយ្យ និងជានិស្សិតឆ្នាំទី៤ ផ្នែករដ្ឋបាលសាធារណៈ—ប្អូនស្រីគឺជាយុវតី​ឈានមុខមួយរូប! បទពិសោធន៍ជីវិតដែលប្អូនស្រីធ្លាប់ឆ្លងកាត់ រួមមានបញ្ហាជីវភាពគ្រួសារ មិនមានថវិកាគ្រប់គ្រាន់ក្នុងការបង់ថ្លៃសាលា មិនអាចស្វែងរកប្រាក់ចំណូលបាន ហើយធ្លាប់បានបរាជ័យ(ធ្លាក់)ចំពោះការប្រលងធ្វើជាគ្រូបង្រៀន ចំនួន២លើក ( គ្រូក្របខណ្ឌ័  និងគ្រូ កិច្ចសន្យា) ហើយអ្នកជិតខាងនិយាយថា “ស្រ្តីមិនអាចទៅរៀនឆ្ងាយ គ្មានសមត្ថភាពគ្រប់គ្រាន់ក្នុងការចូលរួមសកម្មភាពអភិវឌ្ឍន៍ផ្សេងៗ ជាមនុស្សទន់ខ្សោយ និងមិនអាចមានលទ្ធភាពធ្វើរឿងច្រើនយ៉ាងបានដូចបុរសបាន”។ ជាហេតុធ្វើឱ្យនាងបាក់ទឹកចិត្ត និងអស់សង្ឃឹមជាខ្លាំង—រហូតដល់នាងបានតាំងចិត្តថា នឹងត្រូវកែប្រែជីវិតខ្លួនឯងឡើងវិញ។ ក្រោមការគាំទ្រ និងទទួលបានការលើកទឹកចិត្តពីអង្គការ អេហ្វ អេក កម្ពុជា យុវតីមួយរូបនេះបានចូលរួមវគ្គបណ្តុះបណ្តាលផ្សេងៗ ហើយក៏បានស្ទាត់ជំនាញភាពជាអ្នកដឹកនាំ ដឹងវិធីសាស្ត្រធ្វើការជាមួយកុមារ មានភាពក្លាហានជាងមុន និងយល់ដឹងពីការរស់នៅ និងប្រាស្រ័យទាក់ទងល្អក្នុងសង្គម ។ “តាមរយៈបទពិសោធន៍ទាំងនេះហើយ ដែលធ្វើឱ្យខ្ញុំមានមោទនភាពចំពោះខ្លួនឯងក្នុងនាមជាស្រ្តី ថាខ្ញុំអាចធ្វើការងារទាំងអស់នោះបានដូចជាបុរសដែរ” ប្អូនស្រីរៀបរាប់ដោយស្នាមញញឹម។ ថ្ងៃនេះ ដំណើរជីវិតរបស់ប្អូនស្រីកំពុងរីកចម្រើនឆ្ពោះទៅមុខ—គ្រួសារបង្វែរមកយល់ពីអត្ថប្រយោជន៍នៃការអប់រំ និងអនុញ្ញាតឱ្យគាត់បន្តថ្នាក់សិក្សានៅសាកលវិទ្យាល័យ […]

[English Below] 🌟 ផ្តើមពីការមិនមានទុកចិត្តលើខ្លួនឯង ប្រែទៅជាការពង្រឹងភាពអង់អាច៖ ដំណើរផ្លាស់ប្រែរបស់លោកស្រី សំ គន្ធា 🌟   ខ្ញុំធ្លាប់ទាល់គំនិតគិតអ្វីមិនចេញ ដោយសារខ្ញុំជាស្ត្រីដែលទទួលបានការអប់រំតិចតួច រៀនសូត្រមិនសូវបានច្រើន ជាហេតុធ្វើឱ្យខ្ញុំមិនមានទុកចិត្តលើខ្លួនឯង។ ខ្ញុំពិបាកដឹកនាំសហគមន៍—ខ្វះទំនុកចិត្ត មិនសូវមានគំនិតផ្តួចផ្តើម កង្វះនូវការបណ្តុះបណ្តាល និងមិនពូកែស្វែងរកការគាំទ្រ ជំនួយ ឬធនធានផ្សេងៗ។ ដោយសារការដឹកនាំនៅមានកម្រិត ជាហេតុធ្វើឱ្យមានការអន់ចិត្តលើខ្លួនឯង។ ប្រជាជនមួយចំនួនមិនសូវគោរព និងឱ្យតម្លៃខ្ញុំ ដោយពួកគាត់ថា ខ្ញុំនៅក្មេង មិនមានសម្ថភាព គិតមិនបានវែងឆ្ងាយ ហើយគាត់សន្មត់ថា មនុស្សស្រីជាអ្នកនាំឱ្យមានភាពសាំញ៉ាំច្រើន ចិត្តមិនដាច់ ស្ទាក់ស្ទើរក្នុងការសម្រេចិត្ត។ មានពេលខ្លះ ខ្ញុំបាក់ទឹកចិត្ត ហើយចង់បោះបង់តួនាទីម្តងម្កាលផងដែរ។   បន្ទាប់មក អ្វីៗផ្លាស់ប្តូរ។ តាមរយៈការបណ្តុះបណ្តាលរបស់អង្គការ អេហ្វ អេក ស្តីពីយេនឌ័រ ភាពជាអ្នកដឹកនាំ និងការអភិវឌ្ឍសហគមន៍ ខ្ញុំក៏អាចរកឃើញនូវចំណុចខ្លាំងរបស់ខ្លួនឯង។ ខ្ញុំរៀនធ្វើផែនការ កៀរគរធនធាន ជម្រុញទឹកចិត្តអ្នកដទៃ ស្គាល់ពីគុណតម្លៃនៃភាពជាអ្នកដឹកនាំ ផ្តោតការយកចិត្តទុកដាក់លើកិច្ចការគាំពារកុមារ អភិវឌ្ឍជំនាញសម្របសម្រួល ការសន្សំប្រាក់ មានឱកាសរៀនពេទ្យសត្វ និងការអប់រំសុខភាពផ្សេងៗ។ ចាប់ផ្តើមពីផ្ទះ […]

[English Below] សូមជួបជាមួយយុវជន សុភា ដែលជាដៃគូកុមាររបស់អង្គការ អេហ្វ អេក កម្ពុជា ប្រចាំកម្មវិធីតំបន់ត្រពាំងប្រាសាទ២ ដែលមានអាយុ ១៧ឆ្នាំ។​ គាត់បានចូលរួមធ្វើជាអ្នកស្ម័គ្រចិត្តត្រួតពិនិត្យកុមារ 👧📋 និងធ្វើជាគ្រូបង្រៀនស្ម័គ្រចិត្ត✨! ដំណើរចូលរួមក្នុងកម្មវិធីរបស់សុភា រួមមាន៖ ➡️ ធំធាត់ឡើងក្នុងគ្រួសារដែលមិនសូវឱ្យតម្លៃលើការសិក្សារបស់ក្មេងស្រី ដោយហេតុគ្រួសាររបស់សុភាត្រូវប្រឈមនឹងបញ្ហាហិរញ្ញវត្ថុ និងសុខភាព។ ➡️ តាមរយៈការចូលរួមក្នុងកម្មវិធីទំនុកបម្រុងកុមាររបស់សុភា ក្នុងឆ្នាំ ២០១៦ ដំណើរផ្លាស់ប្រែជីវិតរបស់គាត់ក៏ចាប់ផ្តើមឡើង។ សុភាបានរីកចម្រើន ដូចរៀបរាប់ខាងក្រោមនេះ៖ ✅ ក្លាយជាគ្រូបង្រៀនស្ម័គ្រចិត្ត (ក្នុងឆ្នាំ២០២១) ➔ អ្នកស្ម័គ្រចិត្តត្រួតពិនិត្យកុមារ (ក្នុងឆ្នាំ២០២៣) ✅ ដឹកនាំក្លឹបកុមារ បង្រៀនក្មេងៗ រៀបចំវគ្គថតរូប 📸 ផ្សព្វផ្សាយអំពីសិទ្ធិកុមារ និងចូលរួមទម្រង់កុមារ និងចូលរួមក្នុងក្រុមសន្សំប្រាក់ជាមួយម្តាយ។ ✅ នៅថ្នាក់ទី១២ នេះ សុភារៀនបានចំណាត់លេខ៦ (ក្នុងចំណោមសិស្សចំនួន ៦០នាក់)! ✅ ក្តីសុបិន្តរបស់គាត់ ចង់ធ្វើនិស្សិតគណនេយ្យ។ ផលជះវិជ្ជមានដល់គាត់បន្ថែមពីលើនោះ រួមមាន៖ 🌱 បច្ចុប្បន្នគ្រួសាររបស់គាត់បានបង្វែរមកឱ្យតម្លៃលើការសិក្សារបស់កូន! 🌱 ជីវភាពរស់នៅកាន់តែប្រសើរឡើង តាមរយៈការប្រកបមុខរបរកសិកម្ម […]

[English Below] អង្គការ អេហ្វ អេក កម្ពុជា ប្រចាំតំបន់ត្រពាំងប្រាសាទ២ បានធ្វើការបំពាក់បំប៉ន និងពង្រឹងសមត្ថភាពដល់កសិករគំរូ និងអ្នកស្ម័គ្រចិត្តដែលជាដៃគូបម្រើសហគមន៍ តាមរយៈការបណ្តុះបណ្តាលជំនាញបច្ចេកទេសកសិកម្ម។ ការកសាងសមត្ថភាពជំនាញបច្ចេកទេសកសិកម្មដល់ពួកគាត់ ធ្វើឡើងក្នុងគោលបំណងអោយក្លាយជាអ្នកផ្សព្វផ្សាយបច្ចេកទេសកសិកម្មនៅក្នុងសហគមន៍ តាមរយៈការបណ្ដុះបណ្ដាល និងលើកទឹកចិត្តបន្តដល់កសិករផ្សេងទៀត។ ពួកគាត់កំពុងតែបង្ហាញចេញនូវគំរូនៃជំនាញបច្ចេកទេស ការអនុវត្តត្រឹមត្រូវ ហើយច្បាស់លាស់នៅក្នុងកសិដ្ឋានរបស់ពួកគាត់ផងដែរ។ ការអនុវត្តប្រព័ន្ធកសិកម្មចម្រុះពិតជាទទួលបានផលប្រយោជន៍ច្រើនដល់កសិករ ទាំងផ្នែកបរិស្ថាន និងសេដ្ឋកិច្ច។ ការអនុវត្តនៅលើកសិដ្ឋាន ដោយរួមមានចម្រុះភាពនៃដំណាំដូចជាបន្លែ ផ្លែឈើ ការចិញ្ចឹមត្រី កង្កែប មាន់ គោ ការផលិតជីកំប៉ុស្តិ៍គោក កំប៉ុស្តិ៍ទឹក និងថ្នាំពុលផ្សំពីរុក្ខជាតិជាដើម។ ការអនុវត្តនេះបានជួយកាត់បន្ថយការចំណាយលើថ្លៃដើមនៃការប្រើប្រាស់ថ្នាំ និងជីកសិកម្ម ជួយបង្កើនប្រាក់ចំណូល ទទួលបានអាហារហូបគ្រប់គ្រាន់ និងសុវត្ថិភាព ព្រមទាំងធននឹងការប្រែប្រួលអាកាសធាតុផងដែរ។ អ្នកស្រី ហ៊ុន វ៉ាន់នី អាយុ ៥២ឆ្នាំ ជាកសិករគំរូម្នាក់នៅក្នុងភូមិ អូរតាកុក ឃុំកន្ទួត ស្រុកស្វាយលើ បានមានប្រសាសន៍ថា៖ តាមរយៈការអនុវត្តជាមួយគម្រោង អង្គការ អេហ្វ អេក កម្ពុជា បានជួយផ្លាស់ប្តូរជីវភាពដល់ក្រុមគ្រួសាររបស់ខ្ញុំយ៉ាងច្រើន។ កន្លងមក ខ្ញុំមិនធ្លាប់ធ្វើអ្វីផ្សេងក្រៅពីមុខរបរស្ងោរសណ្តែកដីដើរលក់ទេ […]

អង្គការ អេហ្វ អេក កម្ពុជា ប្រចាំតំបន់ត្រពាំងប្រាសាទ៣ បានធ្វើការពង្រឹងសមត្ថភាព តាមរយៈការបណ្តុះបណ្តាលបច្ចេកទេសកសិកម្មដល់កសិករគំរូ និងអ្នកស្ម័គ្រចិត្តដៃគូរសហគមន៍។ ដើម្បីកសាងសមត្ថភាពជំនាញបច្ចេកទេសកសិកម្មរបស់ពួកគេសម្រាប់ការបណ្ដុះបណ្ដាល និងលើកទឹកចិត្តបន្តដល់កសិករផ្សេងទៀត ដោយពួកគេកំពុងតែបង្ហាញចេញនូវគំរូនៃ ជំនាញបច្ចេកទេសការអនុវត្តត្រឹមត្រូវ និងច្បាស់លាស់នៅក្នុងកសិដ្ឋានរបស់ពួកគេ។ ការអនុវត្តប្រព័ន្ធកសិកម្មចម្រុះ ដោយមានចម្រុះភាពនៃដំណាំរួមមានដូចជា ការដាំបន្លែ ដំណាំឈើហូបផ្លែ និងការចិញ្ចឹមសត្វ ត្រី មាន់ គោ។ លើពីនេះ ពួកគាត់បានផលិតជីកំប៉ុស្តគោក ទឹក និងថ្នាំពុលផ្សំពីរុក្ខជាតិ ដើម្បីកាត់បន្ថយការចំណាយលើផលិតកម្មកសិកម្ម ការប្រើប្រាស់ជី និងថ្នាំពុលកសិកម្ម បង្កើនប្រាក់ចំណូល ទទួលបានអាហារហូបគ្រប់គ្រាន់ ។ លោក ទិត ចន អាយុ ៤២ឆ្នាំ ជាអ្នកស្ម័គ្រចិត្តដៃគូរសហគមន៍ នៅក្នុងភូមិ ទួលប្រាសាទ ឃុំទំនប់ដាច់ ស្រុកត្រពាំងប្រាសាទ បានមានប្រសាសន៍ថា តាមរយះការអនុវត្តជាមួយគម្រោង អង្គការ អេហ្វ អេក កម្ពុជា បានជួយដល់ក្រុមគ្រួសាររបស់ខ្ញុំច្រើនបានផ្លាស់ប្ដូរជីវភាពរស់នៅប្រចាំថ្ងៃ ផ្គត់ផ្គង់ការសិក្សាកូន និងបានផ្ដល់ឳកាសអោយខ្ញុំទទួលបានការបង្កើនសមត្ថភាព ចំណេះដឹង ជំនាញបច្ចេកទេស ការអនុវត្តផ្ទាល់ នៅក្នុងកសិដ្ឋាននៅតាមសហគមន៍ផ្សេងៗ ការរួមចំណែកក្នុងការអភិវឌ្ឍន៍នឹងជួយដល់សហគមន៍ […]

[English Below] បណ្ណាល័យដើរតួនាទីយ៉ាងសំខាន់ក្នុងការលើកកម្ពស់ការអានរបស់កុមារ លោកគ្រូ ម៉ែន អាត​ អាយុ​ ៥៦ឆ្នាំ ជាបណ្ណារក្សនៅបណ្ណាល័យនៃសាលាបឋមសិក្សាត្រពាំងប្រាសាទបាននិយាយថា៖ នៅមុនពេលអង្គការ អេហ្វ​ អេក កម្ពុជា បានអភិវឌ្ឍគម្រោងនៅសាលានេះ បណ្ណាល័យយើងខ្ញុំមិនមានតុឱ្យសិស្សអង្គុយអានបានត្រឹមត្រូវ ដោយសារខ្វះធ្នើដាក់សៀវភៅ ខ្វះសម្ភារៈតុបតែង ចំនួនសៀវភៅមានតិច គ្រូខ្វះជំនាញ់រៀបចំ និងគ្រប់គ្រងបណ្ណាល័យឱ្យមានភាពទាក់ទាញ ទើបធ្វើឱ្យបណ្ណាល័យរបស់យើងមិនសូវមានសិស្សចូលអាននោះទេ។​ នៅពេលដែលអង្គការ  អេហ្វ អេក  ផ្តល់ការគាំទ្រលើសម្ភារៈបណ្ណាល័យ ដោយមានការសហការជាមួយការិយាល័យអប់រំស្រុក ក្នុងការផ្ដល់វគ្គបំប៉នដល់បណ្ណារក្ស និងនាយកសាលា ព្រមទាំងផ្ដល់សម្ភារៈគាំទ្រក្នុងបណ្ណាល័យ ដូចជាតុសម្រាប់សិស្សអង្គុយអាន​​ ធ្នើសៀវភៅ សៀវភៅរឿង សម្ភារៈតុបតែងបណ្ណាល័យ​ ជាហេតុធ្វើឱ្យបណ្ណាល័យរបស់យើងមានដំណើរការល្អ ដើម្បីលើកម្ពស់លទ្ធផលសិក្សារបស់កុមារឱ្យមានឱកាសសិក្សាបន្ថែម។ ដោយនៅក្នុងខែវិឆ្ឆិកា ដល់ខែធ្នូ ឆ្នាំ២០២៤នេះ បណ្ណាល័យរបស់យើងមានកុមារចូលអានសៀវភៅក្នុងបណ្ណាល័យ​ចំនួន ៨០៥នាក់ ​(ស្រី ៥០២នាក់) ហើយបានខ្ចីសៀវភៅដល់ទៅចំនួន ៦០០ក្បាល បើធៀបទិន្នន័យសាលានៅឆ្នាំ២០២៣ ​មានកុមារត្រឹមតែ ៣៦៨ នាក់ (ស្រី ២០៤នាក់) ប៉ុណ្ណោះ ដែលបានចូលអានក្នុងបណ្ណាល័យ ដូច្នេះបង្ហាញឱ្យឃើញថា ចំនួននៃការចូលអានក្នុងបណ្ណាល័យមានការកើនឡើង។ ​គម្រោងអប់រំតំបន់ត្រពាំងប្រាសាទ៣ […]

[English Below] ពីមុនយុវជន ឈុន សុខុម មានប្រវត្តិសិក្សាខ្សោយ និងខ្វះទំនុកចិត្តលើខ្លួនឯង។ សុខុមបានលើកឡើងថា៖ មុនពេលចូលរួមកម្មវិធីរបស់អង្គការ អេហ្វ អេក កម្ពុជា ខ្ញុំមានភាពស្ងប់ស្ងាត់ ខ្មាសអៀន និងមានទំនាក់ទំនងតិចតួចជាមួយមិត្តភក្តិ និងអ្នកដទៃ។ ចំពោះការសិក្សា ខ្ញុំមានការថប់បារម្ភជារឿយៗ ហើយចេះតែមានផ្នត់គំនិតអវិជ្ជមានលើខ្លួនឯង។ ដោយសារខ្ញុំរស់នៅតំបន់ដាច់ស្រយាល ទើបធ្វើឱ្យការទំនាក់ទំនងខាងក្រៅរបស់ខ្ញុំមិនសូវបានអនុវត្ត។ បន្ទាប់ពីបានចូលរួមក្នុងកម្មវិធីរបស់អង្គការ អេហ្វ អេក កម្ពុជា និងគម្រោងអភិវឌ្ឍន៍នៃអ្នកស្ម័គ្រចិត្តត្រួតពិនិត្យកុមារ ខ្ញុំបានចាប់ផ្តើមយល់ពីគោលគំនិតសំខាន់ៗជាច្រើន តាមរយៈការពង្រឹងសមត្ថភាព និងផ្តល់ការណែនាំពីបុគ្គលិក អេហ្វ អេក កម្ពុជា ក៏ដូចជាគ្រូបង្រៀនស្ម័គ្រចិត្តនៅតាមក្លឹបកុមារ។ ការរៀននៅក្លឹបកុមារនេះបានក្លាយជាផ្នែកមួយដ៏សំខាន់ ដែលជួយឱ្យខ្ញុំបានអភិវឌ្ឍខ្លួន។ ខ្ញុំចាប់ផ្ដើមចូលរួមជាមួយអ្នកដទៃកាន់តែច្រើនជាងមុន ហើយរៀនស្គាល់នូវចំណុចខ្សោយរបស់ខ្ញុំ។ ប៉ុន្តែខ្ញុំជឿថា ខ្ញុំនឹងអាចសម្រេចគោលបំណងបានច្រើនដូចមនុស្សដទៃទៀត។ ខ្ញុំបានសិក្សាអំពីសារៈសំខាន់នៃការអប់រំ ភាពជាអ្នកដឹកនាំ ការថតរូប ការសរសេរសំបុត្រ សិទ្ធិកុមារ បញ្ហាយេនឌ័រ និងជំនាញធ្វើការជាមួយកុមារ។ បទពិសោធន៍ទាំងនេះបានជួយខ្ញុំឱ្យទទួលបាននូវចំណេះដឹង ទស្សនៈវិស័យ និងជំនាញថ្មីៗ ស្របជាមួយគ្នានឹងទទួលបានការណែនាំល្អៗបន្ថែមទៀត។ នៅពេលនេះខ្ញុំបានក្លាយជាមនុស្សម្នាក់ដែលបង្កើតទំនាក់ទំនងល្អជាមួយមិត្តភក្តិ ក្រុមគ្រួសារ និងមនុស្សជុំវិញខ្លួន មានទំនុកចិត្តលើខ្លួនឯង ហើយនិងមានកម្លាំងចិត្តប្រឹងប្រែងសិក្សាកាន់តែខ្លាំងឡើង […]

[English Below] យោងតាមសម្រង់សម្តីរបស់ស្រីរ័ត្ន “ការរៀនបានពិន្ទុទាបពីមុន បានធ្វើឱ្យការសិក្សារបស់ខ្ញុំ មិនសូវទទួលបានការជំរុញលើកទឹកចិត្ត។ យ៉ាងណាមិញ តាមរយៈកម្មវិធីទំនុកបម្រុងកុមារ និងការជួយជ្រោមជ្រែងពីអ្នកជុំវិញ វាបានជួយគាំទ្រដល់ការអភិវឌ្ឍលើផ្នែកអប់រំរបស់ខ្ញុំ។ កម្មវិធីទំនុកបម្រុងកុមារ ក៏ដូចជាតួនាទីរបស់ខ្ញុំជាអ្នកស្មគ្រ័ចិត្តបង្រៀន បានជំរុញទឹកចិត្តខ្ញុំយ៉ាងខ្លាំង ក្នុងការបង្កើនសមត្ថភាពសិក្សារបស់ខ្ញុំ ជាពិសេសក្នុងការសរសេរ និងការអាន។ ការប្រាស្រ័យទាក់ទងជាទៀងទាត់ជាមួយបុគ្គលិក អង្គការ អេហ្វ អេក រួមជាមួយនឹងការលើកទឹកចិត្ត ក៏ដូចជាការណែនាំរបស់ពួកគាត់បានដើរតួនាទីយ៉ាងសំខាន់ក្នុងដំណើរការផ្លាស់ប្រែនេះ។ លើសពីនេះ ការជួយជ្រោមជ្រែង និងកិច្ចខិតខំរបស់ម្តាយខ្ញុំក្នុងការជំរុញឱ្យមានកន្លែងរៀនសម្រាប់ខ្ញុំនៅផ្ទះ និងគាំទ្រយ៉ាងសកម្មនូវលទ្ធផលសិក្សារបស់ខ្ញុំ គឺជាកត្តាសំខាន់។ ចំណុចទាំងនេះហើយបានជះឥទ្ធិពលយ៉ាងខ្លាំងដល់ការរីកចម្រើនទាំងលើការសិក្សា និងសេចក្តីសង្ឃឹមរបស់ខ្ញុំ។ According to Sreyrath, “Receiving low scores in the past often led to a lack of motivation in my studies. However, I have found that FH Child […]