[English Below] លោក អឿន រិន មានអាយុ ៦៦ឆ្នាំ ដែលជាកសិករមានពិការភាពជើងមួយរូប ត្រូវទទួលបន្ទុកមើលថែចៅៗ ដោយសារតែឪពុកម្តាយរបស់ពួកគេបានធ្វើចំណាកស្រុក។ ជម្លោះរឿងលុយកាក់ និងការធ្វើការងារដោយប្រើកម្លាំងបាយ រួមផ្សំនឹងចំណេះដឹងកសិកម្មមានកម្រិត បានដាក់បន្ទុកបន្ថែមទៅលើបញ្ហាជីវភាពខ្វះខាតរបស់គាត់។ ការដែលគាត់ប្រើគ្រឿងស្រវឹង និងអំពើហិង្សាលើប្រពន្ធ រឹតតែធ្វើឱ្យស្ថានការណ៍កន្លងមក ជាបន្ទុកកាន់តែធ្ងន់។ យ៉ាងណាមិញ បន្ទាប់ពីគាត់បានចូលរួមក្នុងគម្រោងអភិវឌ្ឍន៍របស់អង្គការ អេហ្វ អេក ការបំផ្លាស់បំប្រែជីវិតរបស់គាត់បានកើតឡើង។ ក្នុងឆ្នាំ ២០២២ គ្រួសាររបស់គាត់បានចូលរួមយ៉ាងសកម្មនៅក្នុងគម្រោងសន្តិសុខស្បៀង និងការប្រកបរបរចិញ្ចឹមជីវិត ស្របពេលដែលទទួលបានការគាំទ្រផ្នែកកសិកម្ម សន្សំប្រាក់ដើម្បីមានដើមទុនចាប់ផ្តើមអាជីវកម្មថ្មី និងចូលរួមវគ្គបណ្តុះបណ្តាលស្ដីពីបច្ចេកទេសកសិកម្ម។ ការទាំងនេះហើយ ដែលធ្វើឱ្យជីវភាព ផ្នត់គំនិត និងឥរិយាបថរស់នៅរបស់គ្រួសារគាត់ប្រសើរឡើង ជាពិសេសជួយលើកកម្ពស់សុខុមាលភាពគ្រួសាររបស់គាត់ និងការសិក្សារបស់ចៅៗគាត់ថែមទៀត។ ក្រោមជំនួយរបស់អង្គការ អេហ្វ អេក បានលើកកម្ពស់គុណភាពជីវិតរបស់គាត់ឱ្យប្រសើរឡើង ដោយផ្តល់ក្តីសង្ឃឹមនូវអនាគតដ៏ភ្លឺស្វាង ក្នុងគ្រាជម្នះបញ្ហាប្រឈមពីមុនៗ។ Mr. Oeun Rin, a 66-year-old farmer with a leg amputation, faces challenges caring […]

[English Below] កត្តាផ្លាស់ប្រែក្នុងគ្រួសារ បានរុញច្រានឱ្យ រី វ៉ា ប្តេជ្ញាចិត្តផ្តល់ត្រឡប់ទៅសហគមន៍របស់នាង តាមរយ:ការលើកកម្ពស់ និងពង្រឹងអំណាចដល់មនុស្សជំនាន់ក្រោយ។ រឿងរ៉ាវរបស់ រី វ៉ា គឺជាសក្ខីភាពមួយចំពោះអំណាចនៃការផ្លាស់ប្រែខ្លួនឯង ហើយជាដំណើរការជះឥទ្ធិពលលើអ្នកដទៃ។ នៅពេលដែលបុគ្គលម្នាក់ៗជួបប្រទះការផ្លាស់ប្តូរដ៏សំខាន់នៅក្នុងជីវិតរបស់ពួកគេ ពួកគេតែងតែទទួលបានទស្សនៈថ្មីអំពីមជ្ឍដ្ឋានជុំវិញពួកគេ។ ការណ៍នេះមិនត្រឹមតែជំរុញឱ្យមនុស្សម្នាក់កែប្រែជីវិតគេប៉ុណ្ណោះទេ ថែមទាំងបានជំរុញលើកទឹកចិត្ដដល់អ្នកដែលជួបបញ្ហាស្រដៀងគ្នានេះផងដែរ។ សម្រង់សម្តីរបស់ប្អូនស្រីមាននៅទីនេះ៖ ទោះបីជាធ្លាប់ជួបប្រទះបញ្ហាជីវភាពរស់នៅ កង្វះអាហារហូបចុក រស់នៅគ្មានអនាម័យ និងមិនទទួលបានការលើកទឹកចិត្តលើការអប់រំក៏ដោយ ក៏គ្រួសាររបស់ខ្ញុំបានជម្នះលើបញ្ហាប្រឈមទាំងនេះ ក្រោមការគាំទ្រពីអង្គការ អេហ្វ អេក កម្ពុជា។ តាមរយៈការជួយឱ្យជីវភាពគ្រួសារខ្ញុំមានស្ថេរភាព មានអាហារបរិភោគគ្រប់គ្រាន់ ទទួលបានការអប់រំប្រកបដោយគុណភាព និងសុខុមាលភាពគ្រួសារកាន់តែប្រសើរឡើង ជាហេតុជួយកាត់បន្ថយជម្លោះរវាងឪពុកម្តាយខ្ញុំកាលពីមុន និងជំរុញខ្ញុំឱ្យចង់មានអាជីពជាគ្រូបង្រៀន។ ក្នុងនាមជាកុមារដៃគូ និងអ្នកស្ម័គ្រចិត្តក្រុមក្តីសង្ឃឹម ដើម្បីតាមដានកុមារ ខ្ញុំបានចូលរួមក្នុងក្លឹបកុមារ ចូលរៀនវគ្គបណ្តុះបណ្តាលរបស់អង្គការ អេហ្វ អេក កម្ពុជា មានឱកាសបង្រៀនក្មេងៗឱ្យប្រកាន់ខ្ជាប់នូវអាកប្បកិរិយាឱ្យបានត្រឹមត្រូវ និងយល់ដឹងពីការបង្ការជំងីកូវីដ-១៩ ជួយកុមារឆ្លើយឆ្លងសំបុត្រ និងដឹកនាំសកម្មភាពរក្សាអនាម័យឱ្យបានល្អ។ គោលដៅរបស់ខ្ញុំ គឺជួយដល់គ្រួសាររបស់ខ្ញុំបង្កើនជីវភាពរស់នៅ និងពង្រឹងអំណាចដល់មនុស្សជំនាន់ក្រោយនៅក្នុងសហគមន៍ខ្ញុំ។ ខ្ញុំមានទំនុកចិត្តយ៉ាងមុតមាំ ក្នុងការប្រឡងឱ្យជាប់ដើម្បីចូលរៀន និងក្លាយខ្លួនជាគ្រូប្រងៀន ដើម្បីនាំយកភាពបំផ្លាស់បំប្រែ និងអភិវឌ្ឍសហគមន៍ក្នុងតំបន់របស់ខ្ញុំ។ ប្អូនស្រី […]