[English Below] អង្គការ អេហ្វ អេក បានប្តេជ្ញាចិត្តក្នុងការលើកកម្ពស់បំណិនជីវិតដល់សិស្សានុសិស្សនៅថ្នាក់ទី៤ ដល់ថ្នាក់ទី៦ តាមរយៈការអនុវត្តកម្មវិធីជាច្រើន ដូចជាគំនិតផ្តួចផ្តើមសន្សំប្រាក់ និងដាំបន្លែ ជាកត្តាជំរុញសិស្សឱ្យចេះជំនាញដំណាំសាកវប្បកម្ម (ដំណាំបន្លែ ដំណាំផ្លែឈើ និងដំណាំសម្លរ) មូលដ្ឋាន។ បន្លែដែលសិស្សដាំដុះបានរួមចំណែកទ្រទ្រង់កម្មវិធីអាហារពេលព្រឹកនៅតាមសាលារៀន ដោយធានាថាកុមារអាចទទួលបានអាហារដែលមានជីវជាតិគ្រប់គ្រាន់នៅសាលា​ ហើយបន្លែសេសសល់ក៏អនុញ្ញាតឱ្យសិស្សយកទៅផ្ទះថែមទៀត។ លើសពីនេះ ការប្រមូលផលបន្លែដែលលើសតម្រូវការនឹងត្រូវបានយកទៅលក់ឱ្យសហគមន៍ក្បែរនោះ ដែលផ្តល់ជាកម្រៃឱ្យសិស្សបានយកទៅអនុវត្តក្នុងការសន្សំនៅតាមសាលារៀន។ តាមរយៈការរួមបញ្ចូលមេរៀនដាំបន្លែ គួបផ្សំជាមួយចំណេះដឹងសន្សំប្រាក់ កម្មវិធីនេះបានជួយលើកកម្ពស់សុខុមាលភាពរបស់កុមារ ស្របពេលដែលបំពាក់បំប៉នពួកគេនូវបំណិនជីវិតសំខាន់ៗខាងលើ។ វិធីសាស្រ្តនេះជំរុញឱ្យសិស្សានុសិស្សឱ្យដើរតួនាទីយ៉ាងសកម្ម ក្នុងការបង្កើនអាហារូបត្ថម្ភ និងចាត់ចែងលុយកាក់របស់ពួកគេ ស្របពេលដែលពួកគេក៏បណ្តុះបាននូវស្មារតីទទួលខុសត្រូវ និងមាននិរន្តរភាពផងដែរ។ FH is committed to promoting essential life skills among students in grades 4-6 through a range of interactive activities, such as savings initiatives and vegetable […]

រយៈពេល ៦សប្តាហ៍ ឬ ៤២ថ្ងៃក្រោយសម្រាលគឺជាពេលវេលាដ៏សំខាន់មួយ ដែលត្រូវប្រាកដជាក់ថា ទាំងម្តាយ និងទារកមានជីវិតរស់រាន និងការរីកលូតលាស់របស់ទារកប្រកដដោយសុខភាពល្អ ព្រមទាំងសុខភាពរបស់ស្រ្តីជាម្តាយមានភាពល្អប្រសើរឡើងវិញទាំងផ្លូវកាយ និងផ្លូវចិត្ត។​ ខាងក្រោមនេះជា​សកម្មភាពសំខាន់ៗ ដែលស្ត្រីក្រោយសម្រាល និងអ្នកថែទាំគួរអនុវត្តតាម៖ ១. បំបៅកូនដោយទឹកដោះម្តាយឱ្យបានញឹកញាប់។ ២. សម្រាកឱ្យបានគ្រប់គ្រាន់។ ៣. ត្រូវមានអ្នកថែទាំយ៉ាងហោចណាស់ម្នាក់នៅជិតនឹងស្រ្តី ដើម្បីជួយស្រ្តីព្រមទាំងផ្តល់កាថែទាំក្នុងកំឡុងពេល២៤ម៉ោងដំបូងក្រោយសម្រាល។​ ៤. ទទួលទានអាហារដែលមានសារជាតិចិញ្ចឹមគ្រប់គ្រាន់ដូចជាត្រី សាច់ បន្លែ ផ្លែឈើ បាយ និងបរិភោគទឹកឱ្យបានច្រើនយ៉ាងតិច ៨កែវក្នុង១ថ្ងៃ (២លីត្រ)។ ៥. ត្រូវងូតទឹកសម្អាតខ្លួនប្រាណរួមទាំងទ្វារមាសផងដែរ ផ្លាស់ប្តូរសំឡីអនាម័យ ៤ ទៅ ៦ម៉ោងម្តង ឬញឹកញាប់តាមតម្រូវការ។ ៦. ប្រសិនបើស្ត្រីមានសុខភាពល្អប្រក្រតី ស្ត្រីអាចចាប់ផ្តើមឈរ និងដើរដោយប្រុងប្រយ័ត្ន ក្រោយមកអ្នកអាចដើរ និងធ្វើលំហាត់ប្រាណថ្នមៗ។ ៧. ត្រូវជៀសវាងការរួមភេទក្នុងកំឡុងពេល ៦សប្តាហ៍ក្រោយសម្រាល (រហូតទ្វារមាសបានជាសះស្បើយ) ព្រោះអាចបង្កឱ្យមានរបួស និងឆ្លងមេរោគ។ ៨. ផ្តល់ការលើកទឹកចិត្ត និងគាំទ្រដល់ស្រ្តី ដើម្បីជួយស្រ្តីបញ្ចៀស ឬកាត់បន្ថយនូវជំងឺធ្លាក់ទឹកចិត្តក្រោយសម្រាល។ ​ #HealthTips […]

“So the poor have hope, and injustice shuts its mouth” – Job 5:16 #QuoteoftheDay #GoingWithHope #FHCambodia

វ៉ាក់សាំងអាចជួយកូនរបស់អ្នកជៀសផុតពីជំងឺធ្ងន់មួយចំនួនដែលអាចប៉ះពាល់ដល់អាយុជីវិត និងពិការភាព ដូចជាជំងឺរបេង ជំងឺកញ្ជ្រឹល ជំងឺរលាកស្រោមខួរក្បាល ជំងឺគ្រុនស្វិតដៃជើង ។ល។ ដូច្នេះហើយឪពុកម្តាយគ្រប់រូបត្រូវតែនាំកូនរបស់ខ្លួនទៅទទួលការចាក់វ៉ាក់សាំងតាមកាលវិកាគ និងការណាត់ជួបរបស់គ្រូពេទ្យឱ្យបានទៀងទាត់ និងត្រឹមត្រូវ។ #HealthTips #PNC #PreventionofChildhoodDiseases #ChildCare #FlourishingCommunities #FHCambodia

[English Below] នៅក្នុងកម្មវិធីតំបន់ត្រពាំងប្រាសាទ៣ កសិករប្រឈមមុខនឹងបញ្ហាជាច្រើនលើបញ្ហាសន្តិសុខស្បៀង និងមុខរបរចិញ្ចឹមជីវិត។ កសិកម្មដើរតួនាទីយ៉ាងសំខាន់នៅក្នុងសហគមន៍ ក្នុងការង្កើតប្រាក់ចំណូល និងម្ហូបអាហារប្រចាំថ្ងៃ ប៉ុន្តែការផលិតរបស់ពួកគេទទួលបានទិន្នផលទាបនៅឡើយ ដោយសារការបម្រែបម្រួលលអាកាសធាតុ ជំងឺដំណាំ ការខ្សោះជីវជាតិសឹករិចរិលដី បច្ចេកទេសកសិកម្មនៅមានកម្រិត ការរកទីផ្សារសម្រាប់ផលិតផលកសិកម្មមិនទាន់ទូលំទូលាយ។ល។ លើសពីនេះ កសិករមិនសូវមានការយល់ដឹងអំពីការប្រើប្រាស់ធនធានផ្ទាល់ខ្លួនសម្រាប់ផលិត ឬប្រើប្រាស់ក្នុងគោលបំណង ដើម្បីបង្កើតប្រាក់ចំណូល ឬផ្គត់ផ្គង់ការទទួលទានអាហាររបស់ខ្លួន។ ដើម្បីលើកកម្ពស់សន្តិសុខស្បៀង និងមុខរបរចិញ្ចឹមជីវិត កម្មវិធីតំបន់ត្រពាំងប្រាសាទ៣របស់អង្គការ អេហ្វ អេក កម្ពុជា បានសហការជាមួយមន្ទីរកសិកម្មខេត្ត អាជ្ញាធរមូលដ្ឋាន និងការិយាល័យបច្ចេកទេសកសិកម្មស្រុក ដើម្បីបង្កើនចំណេះដឹងបច្ចេកទេសកសិកម្មដល់អ្នកស្ម័គ្រចិត្តផ្សព្វផ្សាយបច្ចេកទេសកសិកម្ម (CPV-A) និងកសិករគំរូ ដើម្បីដើរតួជាភ្នាក់ងារផ្លាស់ប្រែសហគមន៍។ អេហ្វ អេក កម្ពុជា នៅស្រុកត្រពាំងប្រាសាទ បានផ្តល់ការបណ្តុះបណ្តាល និងជំនួយបច្ចេកទេសលើប្រព័ន្ធកសិកម្មចម្រុះ – រួមមានបច្ចេកទេសដាំបន្លែ ចិញ្ចឹមត្រី មាន់ ទា។ល។ ដោយមានអ្នកចូលរួមកម្មវិធីចំនួន ២៥នាក់ ក្នុងនោះស្រីមាន ៩នាក់ ដែលអាចឱ្យពួកគេផ្តល់ជំនួយបច្ចេកទេស និងបង្កើតជាក្រុមកសិករ ដើម្បីចែករំលែកចំណេះដឹង និងធនធានកសិកម្មជាមួយកសិករដទៃទៀត តាមរយៈក្រុមអ្នកស្ម័គ្រចិត្តកសិកម្ម។ ជាលទ្ធផល វិធីសាស្រ្តនៃការផ្សព្វផ្សាយបច្ចេកទេសកសិកម្មនេះ បានផ្តល់មកនូវការកែលម្អនៃការអនុវត្តបច្ចេកទេសកសិកម្មឆ្លាតវៃដែលធន់នឹងអាកាសធាតុនៅក្នុងសហគមន៍របស់យើងកាន់តែប្រសើរ។ […]

នៅសប្តាហ៍នេះ យើងនឹងស្វែងយល់បន្ថែមពីការពិនិត្យ និងថែទាំក្រោយសម្រាលសម្រាប់ទារក។ ទារកគួរត្រូវបានពិនិត្យ និងថែទាំជាមួយគ្រូពេទ្យយ៉ាងហោចណាស់ ១០ដង ចាប់ពីកើតរហូតដល់ ២ឆ្នាំ។តើអ្នកដឹងទេថាក្រោយសម្រាល ទារកគួរតែពិនិត្យ និងថែទាំសុខភាពប៉ុន្មានដងជាមួយគ្រូពេទ្យជំនាញ? នៅរាល់ការពិនិត្យសុខភាពនីមួយៗ ទារកនឹងទទួលសេវាថែទាំសុខភាពផ្សេងៗ ដូចជា៖ – ទទួលបានការតាមដានលើការលូតលាស់ (ទម្ងន់/កម្ពស់) – ពិនិត្យលើស្ថានភាពសុខភាព រួមមានសញ្ញាជីវិត (កម្តៅ ជីពចរ ចង្វាក់ដង្ហើម) – ពិនិត្យរកសញ្ញាគ្រោះថ្នាក់ និងស្ថានភាពនៃការបំបៅដោះ – ការចាក់វ៉ាក់សាំង និងត្រូវផ្តល់អោយតាមអាយុគិតជាខែ – ទទួលបានការប្រឹក្សាសុខភាពដែលចាំបាច់ទៅតាមស្ថានភាពសុខភាព។ ឧទាហរណ៍៖ ការអនុវត្តលើការបំបៅទឺកដោះកូន។ សរុបជារួម វាជាការសំខាន់ណាស់ដែលការលូតលាស់ និងស្ថានភាពសុខភាពរបស់កុមារ ត្រូវបានតាមដានរហូតដល់ពួកគេមានអាយុ ២ឆ្នាំ។ #HealthTips #PNC #ChildCare FlourishingCommunities #FHCambodia