[English Below] យោងតាមសម្រង់សម្តីរបស់ស្រីរ័ត្ន “ការរៀនបានពិន្ទុទាបពីមុន បានធ្វើឱ្យការសិក្សារបស់ខ្ញុំ មិនសូវទទួលបានការជំរុញលើកទឹកចិត្ត។ យ៉ាងណាមិញ តាមរយៈកម្មវិធីទំនុកបម្រុងកុមារ និងការជួយជ្រោមជ្រែងពីអ្នកជុំវិញ វាបានជួយគាំទ្រដល់ការអភិវឌ្ឍលើផ្នែកអប់រំរបស់ខ្ញុំ។ កម្មវិធីទំនុកបម្រុងកុមារ ក៏ដូចជាតួនាទីរបស់ខ្ញុំជាអ្នកស្មគ្រ័ចិត្តបង្រៀន បានជំរុញទឹកចិត្តខ្ញុំយ៉ាងខ្លាំង ក្នុងការបង្កើនសមត្ថភាពសិក្សារបស់ខ្ញុំ ជាពិសេសក្នុងការសរសេរ និងការអាន។ ការប្រាស្រ័យទាក់ទងជាទៀងទាត់ជាមួយបុគ្គលិក អង្គការ អេហ្វ អេក រួមជាមួយនឹងការលើកទឹកចិត្ត ក៏ដូចជាការណែនាំរបស់ពួកគាត់បានដើរតួនាទីយ៉ាងសំខាន់ក្នុងដំណើរការផ្លាស់ប្រែនេះ។ លើសពីនេះ ការជួយជ្រោមជ្រែង និងកិច្ចខិតខំរបស់ម្តាយខ្ញុំក្នុងការជំរុញឱ្យមានកន្លែងរៀនសម្រាប់ខ្ញុំនៅផ្ទះ និងគាំទ្រយ៉ាងសកម្មនូវលទ្ធផលសិក្សារបស់ខ្ញុំ គឺជាកត្តាសំខាន់។ ចំណុចទាំងនេះហើយបានជះឥទ្ធិពលយ៉ាងខ្លាំងដល់ការរីកចម្រើនទាំងលើការសិក្សា និងសេចក្តីសង្ឃឹមរបស់ខ្ញុំ។ According to Sreyrath, “Receiving low scores in the past often led to a lack of motivation in my studies. However, I have found that FH Child […]

[English Below] ដើម្បី​​លើកស្ទួយផ្នែកសុខភាពអនាម័យរបស់ប្រជាពលរដ្ឋនៅក្នុងតំបន់កម្មវិធីត្រពាំងប្រាសាទ២ ​ បានពង្រឹង និងផ្តល់ចំណេះដឹងវិធីសាស្រ្តជាច្រើនដល់សហគមន៍ ជាពិសេស អ្នកស្រី ឡេង សុភ័ណ្ឌ អាយុ៣៩ឆ្នាំ មានតួនាទីជាសមាជិកភូមិ នៅក្នុងសហគមន៍ស្រែល្អ។ ទោះបីគាត់មានការប្ដេជ្ញាចិត្តខ្ពស់ក្នុងការធ្វើឱ្យគ្រួសារ និងសហគមន៍របស់គាត់ផ្លាស់ប្រែ រស់នៅកាត់បន្ថយមានជម្ងឺផ្សេងៗ និងដើម្បីឱ្យភូមិគាត់ប្រែក្លាយភូមិបញ្ចប់ការបន្ទោរបង់ពាសវាលពាសកាល (Open Defecation Free (ODF) គាត់ត្រូវជួបការលំបាកជាច្រើនយ៉ាង ដោយសារការដឹកនាំសហគមន៍ឱ្យមានការផ្លាស់ប្ដូរ គឺមិនងាយនោះទេ។ គាត់បានបញ្ជាក់ថា “មុនពេលអង្គការ អេហ្វ អេក កម្ពុជា ចូលមកគាត់បានមករស់នៅក្នុងភូមិនេះតាំងពីឆ្នាំ២០០៨ រហូតដល់សព្វថ្ងៃ។ ពេលនោះនៅតាមភូមិនីមួយៗក្នុងស្រុកត្រពាំងប្រាសាទ យើងនេះនៅសុទ្ធតែព្រៃ ពេលនោះអ្នកដែលមករស់នៅក្នុងតំបន់នេះសុទ្ធតែមានបញ្ហាខាងផ្នែកសុខភាពអ្នកខ្លះបានស្លាប់ដោយសារតែជម្ងឺគ្រុនចាញ់ពីព្រោះការយល់ដឹងរបស់អ្នកជិតខាងរបស់គាត់នៅមានកម្រិត។ ចំណែកឯការប្រើប្រាស់ទឹកក៏ដូចគ្នាផងដែរគ្រួសាររបស់គាត់ និងសហគមន៍ខ្លះបានដាំទឹកឆ្អឹនហូបដែរ ប៉ុន្តែការដាំទឹកឆ្អិនសម្រាប់ហូបនៅតាមគ្រួសារនីមួយៗមានចំនួនតិចតួចណាស់។ មិនត្រឹមតែប៉ុណ្ណោះទេ គ្រួសារខ្ញុំផ្ទាល និងសហគមន៍ខ្លះ គ្មានបង្គន់ប្រើប្រាស់គឺបន្ទោបង់ពាសវាលពាសកាល។ ចំពោះការហូបទឹកវិញគ្រួសារខ្លះបានដាំទឹកពេលខ្លះក៏មិនបានដាំទឹកពីព្រោះគ្រួសារនីមួយៗរវល់ជាមួយការងាររៀងខ្លួនពុំបានគិតដល់រឿងអនាម័យនោះទេពេលខ្លះកូនៗ និងប្រជាជនឈឺពោះក្អួតនិងមានជម្ងឺរាគរុសហើយធ្វើអោយយើងខាតបង់ថវិការ និងពេលវេលា។ អ្នកស្រីក៏បានបន្ថែមទៀតថា រីឯកូនៗរបស់ខ្ញុំមានភាពអៀនខ្មាសខ្លាំងណាស់ពេលឃើញចាស់ៗមិនដែលបានជម្រាបសួរ ហើយក៏មិនមានភាពក្លាហានដែរ ពេលទៅសាលារៀនពេលធ្វើដំណើរតាមដងផ្លូវអ្នកស្រុកហៅស្ទើរតែមិនឆ្លើយផង។ខ្ញុំចង់បង្រៀនកូនៗរបស់ខ្ញុំដែរ តែគ្មានពេល រួមផ្សំនឹងរូបនាងខ្ញុំមិនសូវជាមានចំណេះដឹងក្នុងការបង្រៀនទៀតនោះ ទើបពួកគាត់មិនមានភាពក្លាហាន និងមិនសូវចេះគោរពចាស់ទុំដូច្នេះ។” គាត់បាននិយាយថា “ក្នុងអំឡុងពេលអន្តរាគមន៍របស់អង្គការ អេហ្វ […]

[English Below] សម្រង់សម្តីផ្ទាល់របស់លោក អ៉ីង ថៃ ដែលជាមេភូមិសក្តា ខ្ញុំធ្លាប់ជាមនុស្សមិនមានចំណេះដឹង និងជំនាញក្នុងការដឹកនាំ សូម្បីតែការដឹកនាំប្រជុំក្នុងភូមិ និងធ្វើផែនការអភិវឌ្ឍន៍ភូមិ ក៏គ្មានមូលដ្ឋានច្បាស់លាស់នោះដែរ រីឯក្រុមគ្រួសារខ្វះនូវការយល់ដឹងអំពីសុខភាពអនាម័យ មិនមានបង្គន់អនាម័យប្រើប្រាស់ និងបរិស្ថានផ្ទះមិនស្អាត។ តាមរយ:ការចូលរួមជាមួយអង្គការ​​ អេហ្វ អេក កម្ពុជា ខ្ញុំបានទទួលវគ្គបណ្ដុះបណ្ដាលជាច្រើន ដូចជារៀនអំពីតួនាទីរបស់អ្នកដឹកនាំ ការធ្វើផែនការ ការត្រួតពិនិត្យគម្រោង ការគ្រប់គ្រងគម្រោង និងសុខភាពអនាម័យទូទៅ បានធ្វើឱ្យខ្ញុំនិងក្រុមគ្រួសារមានការផ្លាស់ប្ដូរជាច្រើន។ បច្ចុប្បន្នគ្រួសារខ្ញុំបានប្រើប្រាស់ទឹកស្អាតជាប្រចាំ មានបង្គន់អនាម័យប្រើប្រាស់ បរិស្ថានផ្ទះស្អាតសមរម្យ ហើយពួកយើងរស់នៅដោយមានផាសុខភាពល្អ។ រីឯការដឹកនាំរបស់ខ្ញុំវិញ ខ្ញុំយល់ដឹងពីរបៀបនៃការគ្រប់គ្រង ការធ្វើផែនការ និងការត្រួតពិនិត្យគម្រោង ជាពិសេសយល់ដឹងអំពីតួនាទីរបស់ខ្លួន ហើយយកវាទៅអនុវត្ដតាមតួនាទី ក្នុងនាមជាអ្នកដឹកនាំល្អ។ ជាញឹកញាប់ខ្ញុំតែងតែចុះជួបសួរសុខទុក្ខជាមួយក្រុមគ្រួសារដែលងាយរងគ្រោះបំផុតនៅក្នុងភូមិ ដឹកនាំការប្រជុំផ្សព្វផ្សាយ ដឹកនាំប្រជុំគណ:កម្មការ ធ្វើផែនការអភិវឌ្ឍន៍ភូមិ និងស្វែងរកដៃគូទាំងក្នុង និងក្រៅ ដើម្បីជួយដល់ការងារអភិវឌ្ឍន៍សហគមន៍។ A direct quotation from Mr. Oerng Thai I was once someone who […]

[English Below] អ្នកស្រី បាន គា គឺជាសមាជិកក្រុមជំនុំដែលមានអាយុ ៦០ឆ្នាំ រស់នៅក្នុងភូមិត្រពាំងទុំ ហើយបានចូលរួមក្នុងកម្មវិធីអង្គការ អេហ្វ អេក យ៉ាងសកម្ម ចាប់តាំងពីឆ្នាំ ២០១៥ មកម្ល៉េះ។ ក្នុងនោះដែរគាត់បានចូលរួមក្នុងគម្រោងផ្សេងៗ រួមមានគម្រោងគាំទ្រពួកជំនុំចូលរួមបំផ្លាស់បំប្រែសហគមន៍ ក្រុមសន្សំ និងកសិកម្ម។ តាមរយៈមេរៀនដែលរៀបចំដោយបុគ្គលិកអង្គការ អេហ្វ​ អេក លោកស្រី បាន គា បានអនុវត្តដោយជោគជ័យនូវចំណេះដឹងដែលទទួលបាន ជាពិសេសលើការចិញ្ចឹមមាន់ និងដាំបន្លែ។ អ្នកស្រីបានគូសបញ្ជាក់ថា “ការចិញ្ចឹមមាន់មិនត្រឹមតែផ្តល់សាច់គ្រប់គ្រាន់ដល់គ្រួសាររបស់ខ្ញុំប៉ុណ្ណោះទេ ថែមទាំងជួយឱ្យខ្ញុំលក់បានកម្រៃមួយចំនួន ដើម្បីផ្គត់ផ្គង់ដល់តម្រូវការរៀនសូត្ររបស់ចៅប្រុសខ្ញុំថែមទៀតផង”។ ប្រសិទ្ធភាពនៃកិច្ចខិតខំប្រឹងប្រែងចិញ្ចឹមមាន់របស់គាត់ បណ្តាលមកពីគាត់បានប្រកាន់ខ្ជាប់នូវការអនុវត្តចិញ្ចឹមមាន់បច្ចេកទេស ចេះគ្រប់គ្រងសត្វល្អិត និងការធ្វើអនាម័យបានត្រឹមត្រូវ។ នៅថ្ងៃអនាគត អ្នកស្រី បាន គា មានបំណងពង្រីកសកម្មភាពកសិកម្មរបស់ខ្លួន ពេលដែលមានទឹកផ្គត់ផ្គង់គ្រប់គ្រាន់ ដើម្បីបំពេញជីវភាពរស់នៅក្នុងគ្រួសាររបស់គាត់ និងបែងចែកខ្លះទៅអ្នកជិតខាងដែលជួបការលំបាក។ Mrs. Ban Kea, a 60-year-old church member living in Tropeang Tum […]

[English Below] ពីពលករចំណាកស្រុក ក្លាយខ្លួនទៅជាកសិករគំរូ នាងខ្ញុំ និងស្វាមីបាន​ចំណាយ​ពេល​ពីរ​ឆ្នាំធ្វើការ​នៅ​ប្រទេស​ថៃ​ ដើម្បី​រក​ប្រាក់​ចំណូល។ ផ្ទុយទៅវិញ ពួកយើង​ត្រូវរស់​នៅដោយលំបាក ​ដោយ​សារ​ការធ្វើការងារធ្ងន់ៗ និងច្រើនម៉ោង ខណៈដែលទុក​កូន​ឱ្យ​នៅ​ជាមួយ​តាយាយរបស់ពួកគេ។ ក្តីសង្ឃឹមថ្មីបានចាប់ផ្តើម បន្ទាប់ពីបានចូលរួមជាមួយកម្មវិធីរបស់អង្គការ អេហ្វ អេក កម្ពុជា តាមរយៈការទទួលបាននូវចំនេះដឹង និងជំនាញបច្ចេកទេសប្រព័ន្ធកសិកម្មចម្រុះ ដូចជាការដាំបន្លែ ចិញ្ចឹមត្រី និងបសុសត្វ។ ពីមួយពេលទៅមួយពេល នាងខ្ញុំបានបង្កើនសកម្មភាពកសិកម្មទាំងនោះ និងអាចផ្គត់ផ្គង់ផលិតផលទាំងនោះទៅទីផ្សារជារៀងរាល់ថ្ងៃ រហូតធ្វើឱ្យប្រាក់ចំណូលក្នុងគ្រួសារមានស្ថេរភាព ។ នាងខ្ញុំស្រមៃថា គ្រួសារដែលមានចំណូលទាបនៅក្នុងសហគមន៍របស់នាងខ្ញុំអាចរកប្រាក់ចំណូលនៅក្នុង សហគមន៍របស់យើង។ នាងខ្ញុំបាន​ចែករំលែក​ជំនាញ​ទាំងអស់នោះ​ជាមួយ​សហគមន៍ ​ដែល​ចង់​រៀន និងផ្លាស់ប្តូរ​ជីវិតរបស់ពួកគេ ​តាមរយៈ​ការធ្វើកសិកម្ម។ អ្នកស្រី ក្រាន់ យ៉ុង | កសិករគំរូ From A Migrant Worker to be a Model Farmer My husband and I spent two years […]

[English Below] ព័ន្ធកិច្ចក្រុមជំនុំក្នុងគម្រោងកម្មវិធី ដែលនាំឱ្យសហគមន៍ឆ្ពោះទៅរកការរីកចម្រើន ព័ន្ធកិច្ចបំផ្លាស់បំប្រែរបស់គ្រូបង្រៀនស្ម័គ្រចិត្តនៅឯក្រុមជំនុំស្រះជ្រៃ អ្នកស្រី ផាន់ រដ្ឋា ដែលជាគ្រូបង្រៀនស្ម័គ្រចិត្តនៅក្រុមជំនុំគ្រីស្ទាននៅកម្ពុជា បានធ្វើការបម្រើដោយចិត្តមេត្តាករុណា និងផ្តោតយកចិត្តទុកដាក់ តាមរយៈដំណើរផ្លូវខាងឯព្រលឹងវិញ្ញាណរបស់គាត់។ ទោះបីជាគាត់មិនសូវមានបទពិសោធន៍បង្រៀន ក៏គាត់នៅអាចរៀបចំនូវគំនិតផ្តួចផ្តើមបង្កើតធនាគារស្រូវ និងជំរុញឱ្យមានការសម្អាតបរុិស្ថាននៅតាមសហគមន៍បាន ព្រមទាំងរួមចំណែកក្នុងគម្រោងទង្វើនៃក្តីស្រលាញ់ដើម្បីសហគមន៍របស់គាត់។ ជាលទ្ធផល ទំនាក់ទំនងរវាងក្រុមជំនុំ និងឪពុកម្តាយមានភាពប្រសើរឡើង ដែលជាលទ្ធផលជួយកុមារឱ្យបានចូលរៀនកាន់តែច្រើន និងបង្កើនចំណេះដឹងអំពីការធ្វើសួន សម្អាតអនាម័យតាមដងផ្លូវ និងប្រកាន់ខ្ជាប់នូវសីលធម៌ល្អក្នុងសហគមន៍។ ក្រុមជំនុំបានសហការជាមួយអាជ្ញាធរមូលដ្ឋាន ដើម្បីបង្កើតក្លឹបកុមារនៅក្នុងក្រុមជំនុំតាមផ្ទះរបស់ពួកគេ ដោយបង្រៀនកុមារនូវភាសាអង់គ្លេស ភាសាថៃ ខគម្ពីរ សុខភាពនិងអនាម័យ និងក្រមសីលធម៌ថែមទៀត។ អ្នកស្រី រដ្ឋា បានមានប្រសាសន៍ថា តាមរយៈដំណើរខាងព្រលឹងវិញ្ញាណរបស់ខ្ញុំ ខ្ញុំរៀនបានអំពីផែនការរបស់ព្រះ សេចក្តីមេត្តាករុណានៃទ្រង់ ការធ្វើជាអ្នកជិតខាងល្អ និងសារៈសំខាន់នៃការរួមចំណែកជួយសង្គមដ៏សកម្ម។ ខ្ញុំបានយកមេរៀនទាំងនេះទៅអនុវត្ត ដោយរៀបចំគំនិតផ្តួចផ្តើមបង្កើតធនាគារស្រូវសម្រាប់ជួយដល់គ្រួសារដែលជួបការលំបាក ជំរុញក្រុមជំនុំឱ្យចូលរួមក្នុងសកម្មភាពសម្អាតបរិស្ថានក្នុងសហគមន៍ និងធ្វើការស្ម័គ្រចិត្តបង្រៀនកុមារ។ Church in Programming, Way to Community Flourishing The transformation of a Christian volunteer […]