[English Below] កាលពីមុន ប្អូនស្រី ធើន មេ មិនប្រាកដចំពោះអនាគតរបស់ខ្លួនឡើយ។ ព្រោះត្រូវឈប់រៀន ហើយចេញទៅធ្វើការសំណង់ ដើម្បីជួយទ្រទ្រង់ជីវភាពគ្រួសារ។ ប៉ុន្តែពេល​ត្រលប់​មកផ្ទះវិញ ប្អូនស្រីនាំមកជាមួយក្តីសង្ឃឹមថ្មី និងការសម្រេចចិត្តថា គាត់ចង់ផ្លាស់ប្ដូរជីវិតរបស់ខ្លួន។ ដោយសារការគាំទ្រ និងការលើកទឹកចិត្តពីអង្គការ អេហ្វ អេក កម្ពុជា ប្អូនស្រីបានស្ដារទំនុកចិត្តឡើងវិញ បញ្ចប់ការសិក្សាកម្រិតវិទ្យាល័យ ហើយក្លាយជា​យុវជនដឹកនាំម្នាក់ដែលរឹងមាំ និងពោរពេញដោយសមត្ថភាព។ សព្វថ្ងៃ ប្អូនស្រីស្ម័គ្រចិត្តបង្រៀនកុមារតូចៗ លើកទឹកចិត្តឪពុកម្តាយឱ្យឲ្យតម្លៃការអប់រំរបស់កូនៗ និងជំរុញប្អូនៗស្ម័គ្រចិត្តបម្រើសហគមន៍។ រឿងរ៉ាវរបស់ប្អូនស្រី បញ្ជាក់យ៉ាងច្បាស់ថា ការពង្រឹងអំណាចដល់ស្ត្រី និងក្មេងស្រី អាចជួយបង្កើតសន្តិភាព និងសន្តិសុខសម្រាប់គ្រួសារ និងសហគមន៍បាន។ “ខ្ញុំប្រែជាហ៊ាននិយាយ​ជាងមុន ចង់ចេះចង់ដឹង និង​ក្រោកឈរដោយរឹងមាំ។ នៅពេលស្ត្រី និងក្មេងស្រីមានទំនុកចិត្ត និងទទួលបានចំណេះដឹង យើងអាចធ្វើឱ្យគ្រួសារពួកគេក្លាយជា​កន្លែងសន្តិភាព ហើយរួមគ្នាបង្កើតសហគមន៍ដែលមានសមធម៌។” — ប្អូនស្រី ធើន មេ Once unsure of her future, Ms. Thoeun Me had to […]

[English Below] 🌱 ផ្លូវទៅកាន់ការចាប់ផ្តើមថ្មី 🌱 អស់រយៈពេលច្រើនឆ្នាំ លោក ចាន់រស្មី មានការព្រួយបារម្ភជាខ្លាំង—ប្រាក់ខែបង្រៀនតែមួយមុខ មិនទាន់គ្រប់គ្រាន់សម្រាប់ការចំណាយផ្សេងៗក្នុងក្រុមគ្រួសារ ហើយការដាំដុះចេះតែបរាជ័យ កាន់តែធ្វើឱ្យជីវិតរបស់គាត់ពេលនោះជួបការលំបាក។ «ខ្ញុំមានអារម្មណ៍តានតឹង និងបាត់បង់កម្លាំងចិត្តកាលពីមុន»។ អ្វីៗបានផ្លាស់ប្តូរ ពេលគាត់ចូលរួមក្នុងគម្រោងសន្តិសុខស្បៀង និងការប្រកបរបរចិញ្ចឹមជីវភាពរបស់អង្គការ អេហ្វ អេក កម្ពុជា។ តាមរយៈការបណ្តុះបណ្តាលអំពីកសិកម្មឆ្លាតវៃដែលធន់នឹងអាកាសធាតុ និងខ្សែសង្វាក់តម្លៃដើម្បីផ្គត់ផ្គង់ទីផ្សារ ក្តីសង្ឃឹមបានចាប់ផ្តើមកើតមាន—តាមរយៈការដាំបន្លែ និងចិញ្ចឹមមាន់របស់គាត់។ សព្វថ្ងៃនេះ គាត់មិនត្រឹមតែអាចផ្គត់ផ្គង់រាល់ការចំណាយក្នុងគ្រួសារប៉ុណ្ណោះទេ គាត់ថែមទាំងអាចចែករំលែកចំណេះដឹងជាមួយអ្នកជិតខាង ដើម្បីជំរុញការផ្លាស់ប្តូរនៅក្នុងសហគមន៍របស់គាត់។ «ឥឡូវនេះ ខ្ញុំមានមោទនភាពក្នុងការក្លាយជាកសិករគំរូ ដែលអាចឱ្យអ្នកជិតខាងរបស់ខ្ញុំរៀនសូត្រតាម។ ការមើលឃើញកូនៗមានសុខភាពល្អ និងសប្បាយរីករាយ ជំរុញឱ្យខ្ញុំបន្តរៀនពីមេរៀនកសិកម្ម និងចែករំលែកបន្តទៅមនុស្សជុំវិញខ្លួន» — លោក ចាន់រស្មី យើងរួមគ្នា បណ្តុះគ្រាប់ពូជក្នុងសហគមន៍ឱ្យមានភាពធន់ និងពោរពេញដោយក្តីសង្ឃឹម។ 💚 🌱 A Path to New Beginnings 🌱 For years, Mr. Chanrasmey carried the weight of […]

[English Below] «ការចិញ្ចឹមមាន់ជាគ្រួសារជួយឱ្យមានអាហារប្រចាំថ្ងៃ និងផ្តល់ប្រាក់ចំណូលបន្ថែម។ ការលក់មាន់ជួយគ្រប់គ្រងការចំណាយក្នុងគ្រួសារ បង់ថ្លៃសិក្សារបស់កូនៗ និងអាចសន្សំប្រាក់ក្នុងក្រុមសន្សំសហគមន៍បាន។» — នេះបើយោងតាមសម្រង់សម្តីរបស់អ្នកមីង យ៉ីន ដែលជាអ្នកស្ម័គ្រចិត្តផ្នែកកសិកម្មរបស់អង្គការ អេហ្វ អេក កម្ពុជា។   “Raising chickens as a family helps with daily meals and provides extra income. Selling chickens supports household needs, pays for my children’s schooling, and allows us to save in the community saving group.” — Mrs. Yin, agricultural volunteer with FH […]

[English Below] លោកស្រី ភឿន សុខា អាយុ ៤០ឆ្នាំ ជាអនុប្រធានការិយាល័យអប់រំ យុវជន និងកីឡាស្រុកស្វាយលើ។ មុនពេលអង្គការ អេហ្វ អេក កម្ពុជា មកអនុវត្តគម្រោង ប្រធានការិយាល័យអប់រំ យុវជន និងកីឡាស្រុកស្វាយលើ បានគាំទ្រវិធីសាស្រ្តបង្រៀន និងរៀនតាមផែនការជាមួយគ្រូបានមួយចំនួនប៉ុណ្ណោះ។ ប៉ុន្តែនាយក​សាលា ​គណៈកម្មការគ្រប់គ្រងសាលារៀន​មិន​បាន​ចូល​ទៅ​ក្នុង​ការ​កសាង​សមត្ថភាព​​ទេ។ ម៉្យាងវិញទៀត កុមារបានចូលសាលារៀនប្រហែល ៦០% ហើយការរៀនសូត្រក៏សម្រេចបានប្រហែល ៦០% ផងដែរ។ ក្នុងអំឡុងពេល អេហ្វ អេក កម្ពុជា បានមកអនុវត្តគម្រោងរបស់ពួកគេនៅឆ្នាំ ២០១៥ គ្រូមត្តេយ្យសហគមន៍ គ្រូបង្រៀនថ្នាក់ដំបូង នាយកសាលា និងគណៈកម្មការសាលាបានទទួលការបណ្តុះបណ្តាលផ្សេងៗគ្នា។ គ្រូមត្តេយ្យសហគមន៍ និងសាលាបឋមសិក្សាបានទទួលការបណ្តុះបណ្តាលស្តីពីការបង្រៀនអក្ខរកម្ម និងវិធីសាស្រ្តលេខ អក្សរ លើសពីនេះ ការបង្កើតបច្ចេកទេសបង្រៀន និងសម្ភារៈសិក្សា។ នាយកសាលាបានទទួលការបណ្តុះបណ្តាលស្តីពីការគ្រប់គ្រងតាមសាលារៀន និងដំណើរការរៀបចំផែនការអភិវឌ្ឍន៍សាលារៀន។ បន្ទាប់ពីទទួលបានវគ្គបណ្តុះបណ្តាលពីគម្រោងរបស់អង្គការ អេហ្វ អេក ថ្នាក់ដឹកនាំសាលា និងគ្រូបង្រៀនបានអនុវត្តយុទ្ធសាស្ត្រថ្មីៗប្រកបដោយប្រសិទ្ធភាព។ កុមារដែលគ្រប់អាយុចូលសាលា បានចូលរៀនដល់ ៩៧% […]

[English Below] ភាពអំណត់របស់ស្ត្រីម្នាក់កំពុងបំភ្លឺផ្លូវនៃការផ្លាស់ប្រែ! ស្វែងយល់ពីដំណើរដ៏គួរឱ្យចាប់អារម្មណ៍របស់អ្នកស្រី ខ្លាយ ភាក់ ដូចតទៅ៖ អ្នកស្រី ខ្លាយ ភាក់ ជាស្ត្រីមេម៉ាយដែលមានវ័យ ៤២ឆ្នាំ មកពីភូមិរនាមធំ។ រឿងរ៉ាវរបស់បងស្រីគឺជាការស្តែងឱ្យឃើញនូវភាពអំណត់របស់ស្ត្រីដែលគ្មានទីបញ្ចប់។ ក្រោយចំណាកស្រុកទៅថៃ ១៤ឆ្នាំ និងបែកផ្លូវជាមួយស្វាមី គាត់ត្រឡប់មកភូមិវិញ រស់នៅជាមួយគ្រួសារដែលមានគ្នា ១១នាក់ ក្នុងនោះស្រី ៦នាក់ ដោយស្រលាញ់ថែទាំក្មួយៗដូចកូនបង្កើត។ ដំណាលរឿងរបស់គាត់មិនឈប់ត្រឹមនេះទេ។ បន្ទាប់ពីឃើញស្ថានភាពកុមារពិបាកអាន សរសេរ និងគិតលេខ ហើយការអនុវត្តអនាម័យនៅតែជាបញ្ហា ស្របគ្នានឹងអាណាព្យាបាលមិនយកចិត្តទុកដាក់លើការសិក្សាររបស់កូនៗ គាត់មានអារម្មណ៍ចង់ធ្វើអ្វីមួយឱ្យវាប្រសើរជាងនេះ។ “ទោះបីជាខ្ញុំជាស្ត្រីមេម៉ាយ មានធនធានតិចតួច ហើយជួបការលំបាកច្រើនក៏ពិតមែន ប៉ុន្តែខ្ញុំពិតជាចង់ចូលរួមដោះស្រាយបញ្ហាសហគមន៍របស់ខ្ញុំខ្លាំងណាស់៖ ខ្ញុំមិនរួញរាទេ—ខ្ញុំចង់ឃើញក្មេងៗក្នុងសហគមន៍បានចូលរៀន​ ចេះអានអក្សរ​ គិតលេខ​ និងមានការងារល្អគ្រប់ៗគ្នា និងចង់ឱ្យសហគមន៍របស់ខ្ញុំមានការរីកចម្រើន។” តាមរយៈកម្មវិធីអភិវឌ្ឍន៍របស់អង្គការ អេហ្វ អេក ដោយមានការជួយជ្រោមជ្រែង និងណែនាំពីមេភូមិ គាត់បានដើរតួនាទីយ៉ាងសំខាន់ក្នុងនាមជាដៃគូអភិវឌ្ឍន៍របស់អង្គការ អេហ្វ អេក​ កម្ពុជា ដោយបម្រើការជាអ្នកស្ម័គ្រចិត្តផ្នែកអប់រំ (HGV-E) និងត្រួតពិនិត្យកុមារ (HGV-CM)។ គួបផ្សំនឹងមានឱកាសចូលរួមវគ្គបណ្តុះបណ្តាលទាក់ទិននឹងការថែទាំ សម្របសម្រួល លើកទឹកចិត្ត […]

[English Below] បងស្រី ឆេង ស្ររ័ត្ន៖ បានផ្លាស់ប្តូរពីម្តាយដែលខ្មាស់អៀនច្រើន ទៅជាគ្រូដែលពូកែលើកទឹកចិត្តមួយរូប! បងស្រី ស្ររ័ត្ន មានអាយុ ២៧ឆ្នាំ ជាអ្នកម្តាយកូន ២ ដែលមកពីភូមិក្រមុំបូល បានផ្លាស់ប្តូរជីវិតរបស់គាត់ជាមួយអង្គការ អេហ្វ អេក។ ពីមុនគាត់ខ្មាស់អៀនច្រើន និងស្ទាក់ស្ទើរចំពោះខ្លួនឯង ឥឡូវគាត់បង្រៀនកុមារក្នុងភូមិ ៧-១២ នាក់ដោយទំនុកចិត្ត រៀងរាល់ថ្ងៃអាទិត្យនៅក្នុងក្លឹបកុមារ ដែលមានទីតាំងក្នុងក្រុមជំនុំមួយ។ “ខ្ញុំបានយល់ពីតម្លៃនៃការសិក្សា និងទទួលបានភាពក្លាហានក្នុងការបង្រៀន និងភ្ជាប់ទំនាក់ទំនងជាមួយសហគមន៍របស់ខ្ញុំ” គាត់បានលើកឡើង។   តាមរយៈការបណ្តុះបណ្តាលរបស់អង្គការ អេហ្វ អេក គាត់កំពុងផ្តល់បណ្តុះកុមារឱ្យចូលរួម និងមានភាពអង់អាច—រួមទាំងកូនប្រុសរបស់គាត់ផងដែរ—ប្រកបដោយចំណេះដឹង ប្រកាន់ខ្ជាប់នូវការអនុវត្តសិទ្ធិ និងមានចំណង់ចំណូលចិត្តក្នុងការសិក្សា។ តើគោលដៅរបស់គាត់ជាអ្វី? គោលដៅរបស់គាត់ផ្តោតសំខាន់ថា សហគមន៍រីកចម្រើន ស្របគ្នានឹងកុមារគ្រប់រូបមានសំឡេងចូលរួម និងទទួលឱកាសធំធាត់បានល្អ។ 💪   Mrs. Cheng Srorat: From Shy Mom to Inspiring Teacher!   Mrs Srorat, a 27-year-old mom […]