[English Below] ភាពអំណត់របស់ស្ត្រីម្នាក់កំពុងបំភ្លឺផ្លូវនៃការផ្លាស់ប្រែ! ស្វែងយល់ពីដំណើរដ៏គួរឱ្យចាប់អារម្មណ៍របស់អ្នកស្រី ខ្លាយ ភាក់ ដូចតទៅ៖

អ្នកស្រី ខ្លាយ ភាក់ ជាស្ត្រីមេម៉ាយដែលមានវ័យ ៤២ឆ្នាំ មកពីភូមិរនាមធំ។ រឿងរ៉ាវរបស់បងស្រីគឺជាការស្តែងឱ្យឃើញនូវភាពអំណត់របស់ស្ត្រីដែលគ្មានទីបញ្ចប់។ ក្រោយចំណាកស្រុកទៅថៃ ១៤ឆ្នាំ និងបែកផ្លូវជាមួយស្វាមី គាត់ត្រឡប់មកភូមិវិញ រស់នៅជាមួយគ្រួសារដែលមានគ្នា ១១នាក់ ក្នុងនោះស្រី ៦នាក់ ដោយស្រលាញ់ថែទាំក្មួយៗដូចកូនបង្កើត។ ដំណាលរឿងរបស់គាត់មិនឈប់ត្រឹមនេះទេ។ បន្ទាប់ពីឃើញស្ថានភាពកុមារពិបាកអាន សរសេរ និងគិតលេខ ហើយការអនុវត្តអនាម័យនៅតែជាបញ្ហា ស្របគ្នានឹងអាណាព្យាបាលមិនយកចិត្តទុកដាក់លើការសិក្សាររបស់កូនៗ គាត់មានអារម្មណ៍ចង់ធ្វើអ្វីមួយឱ្យវាប្រសើរជាងនេះ។ “ទោះបីជាខ្ញុំជាស្ត្រីមេម៉ាយ មានធនធានតិចតួច ហើយជួបការលំបាកច្រើនក៏ពិតមែន ប៉ុន្តែខ្ញុំពិតជាចង់ចូលរួមដោះស្រាយបញ្ហាសហគមន៍របស់ខ្ញុំខ្លាំងណាស់៖ ខ្ញុំមិនរួញរាទេ—ខ្ញុំចង់ឃើញក្មេងៗក្នុងសហគមន៍បានចូលរៀន​ ចេះអានអក្សរ​ គិតលេខ​ និងមានការងារល្អគ្រប់ៗគ្នា និងចង់ឱ្យសហគមន៍របស់ខ្ញុំមានការរីកចម្រើន។”

តាមរយៈកម្មវិធីអភិវឌ្ឍន៍របស់អង្គការ អេហ្វ អេក ដោយមានការជួយជ្រោមជ្រែង និងណែនាំពីមេភូមិ គាត់បានដើរតួនាទីយ៉ាងសំខាន់ក្នុងនាមជាដៃគូអភិវឌ្ឍន៍របស់អង្គការ អេហ្វ អេក​ កម្ពុជា ដោយបម្រើការជាអ្នកស្ម័គ្រចិត្តផ្នែកអប់រំ (HGV-E) និងត្រួតពិនិត្យកុមារ (HGV-CM)។ គួបផ្សំនឹងមានឱកាសចូលរួមវគ្គបណ្តុះបណ្តាលទាក់ទិននឹងការថែទាំ សម្របសម្រួល លើកទឹកចិត្ត និងជួយជំរុញការរៀនបន្ថែមនៅផ្ទះរបស់កុមារដល់អាណាព្យាបាល ការផ្តោតយកចិត្តទុកដាក់លើបញ្ហាអាហារូបត្ថម្ភ និងទទួលបានការណែនាំ និងជួបប្រជុំជាមួយលោកនាយកសាលា​ លោកគ្រូ អ្នកគ្រូដើម្បីទទួលពត៌មាននៃដំណើរការអភិវឌ្ឍ បញ្ហាប្រឈម​ ដំណោះស្រាយ និងការដាក់ផែនការអភិវឌ្ឍបន្តរបស់សាលា និងសហគមន៍ ដើម្បីផ្សារភ្ជាប់ទំនាក់ទំនងរវាងសាលារៀន និងសហគមន៍ឱ្យកាន់តែប្រសើរឡើងជាងមុន ស្របគ្នានឹងជួយគាត់ឱ្យបានរៀនសូត្រ និងដកស្រង់ជំនាញអភិវឌ្ឍន៍ភូមិ។ បច្ចុប្បន្ននេះគាត់បានក្លាយជាសមាជិកគណៈកម្មការគ្រប់គ្រងសាលា និងគ្រប់គ្រងថ្នាក់រៀននៃសាលាបឋមសិក្សារនាមធំ ក្នុងការរួមចំណែកផ្នែកអប់រំកុមារតូច រៀបចំផែនការអភិវឌ្ឍន៍ និងស្វែងរកដំណោះស្រាយជាមួយភាគីពាក់ព័ន្ធ។ គាត់ក៏បានជំរុញណែនាំ និងបង្វែរការចាប់អារម្មណ៍របស់អាណាព្យាបាលលើការសិក្សា និងសុខភាពកូនៗរបស់ពួកគេ។

លទ្ធផលគួរឱ្យកត់សម្គាល់គឺថា៖ “កុមារមានឱកាសចូលរៀន បរិស្ថានតាមផ្ទះស្អាត គ្រប់ផ្ទះមានបង្គន់ និងទឹកស្អាតប្រើប្រាស់” គាត់ញញឹមរៀបរាប់ដោយមោទនភាព។ គាត់បានឆ្លៀតបង្រៀនក្មួយៗនៅផ្ទះដោយមានទំនុកចិត្ត ដើម្បីជម្នះបញ្ហាជីវិតដែលកំពុងប្រឈម។ “ថ្វីត្បិតតែខ្ញុំជាស្រ្តី​មេម៉ាយក៏ពិតមែន វាមិនមែនជាឧបសគ្គសម្រាប់ខ្ញុំ ក្នុងការចង់ជួយសហគមន៍ឱ្យរីកចម្រើនទៅមុខទេ—ក្រោមគម្រោងអភិវឌ្ឍន៍របស់អង្គការ អេហ្វ អេក កម្ពុជា ដែលបានផ្សព្វផ្សាយ និងលើកកម្ពស់សមភាពយេនឌ័រ ជាកម្លាំងជំរុញទឹកចិត្តដល់ខ្ញុំ។”

ដំណើររឿងរ៉ាវរបស់អ្នកស្រី ភាក់ បញ្ជាក់ថា ស្ត្រីម្នាក់អាចបង្កើតការផ្លាស់ប្តូរការធំបាន។ ដោយផ្តោតយកចិត្តទុកដាក់លើបញ្ហាអប់រំបន្តទៅបញ្ហាសុខភាពអនាម័យ គាត់កំពុងរួមចំណែកអភិវឌ្ឍសហគមន៍ឱ្យបានល្អសម្រាប់អ្នករាល់គ្នា។

One Widow’s Grit is Igniting Change: The Inspiring Journey of Mrs. Khlai Phak

Meet Mrs. Khlai Phak, a 42-year-old widow from Ronam Thom village, who’s proving resilience knows no bounds. After 14 years working in Thailand and a divorce, she returned to Oddar Meanchey province to live with her family of 11, including 6 females, caring for her nieces and nephews like her own.

But her story doesn’t stop there. Noticing kids in her community struggled with reading, writing, and math—coupled with neglected hygiene and poor parental focus on education—Mrs. Phak felt a fire to act. “As a widow with limited resources, the challenge was steep, but my resolve was stronger: I won’t give up—I want thriving kids and a better community.”

Enter FH Cambodia. Introduced by her village leader, she joined Hope Group Volunteer for Education (HGV-E) and Hope Group Volunteer for Child Monitoring (HGV-CM). Through training in childcare, nutrition, and facilitation, she gained skills to uplift her village. Now, she’s a School Management Committee (SMC) member at Ronam Thom Primary School, collaborating with relevant stakeholders to tackle challenges and plan progress. She shares her knowledge with parents and community members, inspiring them to prioritize education and health matters.

The impact? Huge. “Children have access to education, homes are cleaner, every household has a toilet, and families drink safe water,” she beams. Teaching her nieces and nephews at home, she’s breaking barriers with confidence. “Being a widow isn’t a limit—FH Cambodia’s gender equality focus gave me this chance.”

Mrs. Phak’s journey shows one woman’s grit can spark a movement. From education to sanitation, she’s building a brighter future for all.

#WomenInAction #EducationMatters #FlourishingCommunities #FHCambodia