[English Below] ✨ ចិត្តក្លាហានបានផុសឡើង៖ សាច់រឿងបង្ហាញពីរឿងរ៉ាវយុវតី ស្រីនុត ដែលមានអាយុ ២១ឆ្នាំ!

យើងបានមើលឃើញពីយុវតីវ័យក្មេងមួយរូប ដែលកំពុងរីកចម្រើនឆ្ពោះទៅមុខនៅសហគមន៍គោកឪឡោក។ ប្អូនស្រីគឺជាអ្នកស្ម័គ្រចិត្តត្រួតពិនិត្យកុមារ ក្នុងកម្មវិធីទំនុកបម្រុងកុមាររបស់អង្គការ អេហ្វ អេក កម្ពុជា ហើយប្អូនកំពុងបម្រើការជាជំនួយការគណនេយ្យ និងជានិស្សិតឆ្នាំទី៤ ផ្នែករដ្ឋបាលសាធារណៈ—ប្អូនស្រីគឺជាយុវតី​ឈានមុខមួយរូប!

បទពិសោធន៍ជីវិតដែលប្អូនស្រីធ្លាប់ឆ្លងកាត់ រួមមានបញ្ហាជីវភាពគ្រួសារ មិនមានថវិកាគ្រប់គ្រាន់ក្នុងការបង់ថ្លៃសាលា មិនអាចស្វែងរកប្រាក់ចំណូលបាន ហើយធ្លាប់បានបរាជ័យ(ធ្លាក់)ចំពោះការប្រលងធ្វើជាគ្រូបង្រៀន ចំនួន២លើក ( គ្រូក្របខណ្ឌ័  និងគ្រូ កិច្ចសន្យា) ហើយអ្នកជិតខាងនិយាយថា “ស្រ្តីមិនអាចទៅរៀនឆ្ងាយ គ្មានសមត្ថភាពគ្រប់គ្រាន់ក្នុងការចូលរួមសកម្មភាពអភិវឌ្ឍន៍ផ្សេងៗ ជាមនុស្សទន់ខ្សោយ និងមិនអាចមានលទ្ធភាពធ្វើរឿងច្រើនយ៉ាងបានដូចបុរសបាន”។ ជាហេតុធ្វើឱ្យនាងបាក់ទឹកចិត្ត និងអស់សង្ឃឹមជាខ្លាំង—រហូតដល់នាងបានតាំងចិត្តថា នឹងត្រូវកែប្រែជីវិតខ្លួនឯងឡើងវិញ។ ក្រោមការគាំទ្រ និងទទួលបានការលើកទឹកចិត្តពីអង្គការ អេហ្វ អេក កម្ពុជា យុវតីមួយរូបនេះបានចូលរួមវគ្គបណ្តុះបណ្តាលផ្សេងៗ ហើយក៏បានស្ទាត់ជំនាញភាពជាអ្នកដឹកនាំ ដឹងវិធីសាស្ត្រធ្វើការជាមួយកុមារ មានភាពក្លាហានជាងមុន និងយល់ដឹងពីការរស់នៅ និងប្រាស្រ័យទាក់ទងល្អក្នុងសង្គម ។ “តាមរយៈបទពិសោធន៍ទាំងនេះហើយ ដែលធ្វើឱ្យខ្ញុំមានមោទនភាពចំពោះខ្លួនឯងក្នុងនាមជាស្រ្តី ថាខ្ញុំអាចធ្វើការងារទាំងអស់នោះបានដូចជាបុរសដែរ” ប្អូនស្រីរៀបរាប់ដោយស្នាមញញឹម។

ថ្ងៃនេះ ដំណើរជីវិតរបស់ប្អូនស្រីកំពុងរីកចម្រើនឆ្ពោះទៅមុខ—គ្រួសារបង្វែរមកយល់ពីអត្ថប្រយោជន៍នៃការអប់រំ និងអនុញ្ញាតឱ្យគាត់បន្តថ្នាក់សិក្សានៅសាកលវិទ្យាល័យ អ្វីដែលពិសេសគឺប្អូនមានលទ្ធភាពផ្គត់ផ្គង់ការសិក្សាដោយខ្លួនឯង ចូលរួមអភិវឌ្ឍសហគមន៍ ព្រមទាំងមានក្តីសុបិន្តធំមួយ៖ ក្នុងការលើកម្ពស់សំឡេងរបស់ស្រ្តី តាមរយៈការបង្កើតកម្មវិធីណាដែលអាចឱ្យស្រ្តីគ្រប់រូបបញ្ចេញសមត្ថភាពរបស់ពួកគេបានគ្រប់ទីកន្លែង។ ជាចុងក្រោយ យុវតីរូបនេះមានពាក្យបន្តិចបន្តួចចង់ផ្តាំទៅកាន់ស្រ្តីគ្រប់រូបថា? “សូមឱ្យស្ត្រីគ្រប់រូបស្គាល់ពីខ្លួនឯង ក្លាហានក្នុងការមានក្ដីស្រមៃ នឹងចាប់ផ្ដើមធ្វើវាអោយអស់ពីចិត្ត កុំបារម្ភពីពាក្យសម្ដីខាងក្រៅ សូមបន្តការរៀនសូត្រ និងស្វែងរកបទពិសោធន៍នៅក្នុងសហគមន៍ ឬសង្គម ដើម្បីអោយខ្លួនឯងមានភាពរីកចម្រើន ទោះបីជាមានការរើសអើងក៏ដោយ។” ភាពក្លាហានរបស់ស្រីនុតគឺជាការបំភ្លឺផ្លូវ និងលើកទឹកចិត្តយ៉ាងខ្លាំងមួយ—សូមឱ្យយើងបានចូលរួម និងគាំទ្រយុវតីមួយរូបនេះទាំងអស់គ្នា!! 💪🌟

✨ Courage Unleashed: Ms. Sreynut, 21! 

From Kouk Ovlaok community, this dynamo is tearing down walls. She’s a Hope Group Volunteer for Child Monitoring with FH Cambodia’s child sponsorship program, a financial assistant, and a 4th-year Public Admin student—she’s a total standout!

Life threw challenges her way: no money, no job, failed exams for teaching certification from the MoEYS for two times, and neighbors saying, ‘Women can’t do it.’ It weighed her down—until she turned it around. In support of FH Cambodia, she mastered leadership, empowered kids, and seized her strength. ‘I  am just as strong as any man,’ she beams.

Today, she’s thriving—financing her studies, lighting up her community, and dreaming of empowering women everywhere. Her tip? ‘Chase your dreams, ignore the naysayers, and keep climbing.’ Sreynut’s boldness lights the way—let’s rally behind her! 💪🌟

#BoldAndYoung #YouthInspire #IWD2025 #FlourishingCommunities #FHCambodia